Thursday, October 5, 2017

ജാഥ

ഹിഹിഹി
ക്യാ സമാചാര്‍, നിന്‍റെ ചിരി ഞരമ്പ്  പിണഞ്ഞോ വേതാള്‍ കുശ്മാണ്ട്?
ഹല്ലല്ലല്ല, മുദ്രാവാക്യം മാറിപ്പോയി വിക്രം സര്‍ മുദ്രാവാക്യം മാറിപ്പോയി
കബ് കൈസേ കിദര് വേതാള്‍?
പത്രോം  വായിക്കാതെ  ടിവീം കാണാതെ   ധ്യാനിച്ചോണ്ടിരുന്നാലിതൊന്നും തെളിയൂല്ല വിക്രം സാര്‍.
ഡാ. യൂ  നോ സംതിങ്ങ്?
ശൊല്ലുങ്ക വിക്രം സര്‍, ശൊല്ലുങ്ക?
തൊണ്ണൂറു തുടങ്ങുന്നതിനു മുന്‍പ്  യൂണിവേഴ്സിറ്റീ  മുദ്രാവാക്യം വിളിക്കാന്‍ പോയാല്‍  ബിരിയാണീം   സ്മോളും പിന്നെ  നൂറു രൂപേമുണ്ടാരുന്നു.  ഈര്‍ക്കില്‍ പാര്‍ട്ടികള്‍ക്കൊരു  ജാഥ നടത്തണേ മിനക്കേടെന്തുവാന്നാ നിന്‍റെ വിചാരം.
ഹംച്ചീ..
കുറച്ചും കൂടെ  കഴിഞ്ഞപ്പോ തുക മാറി കുപ്പീടെ വലുപ്പം കൂടി  സൌകര്യം കൂടി.  പിന്നെ മുദ്രാവാക്യോം സമരോമെല്ലാം  എക്സ്ട്രാ ആര്‍ട്ടിസ്റ്റുകള്‍ക്ക് ഔട്ട് സോഴ്സ് ചെയ്തു.  സിനിമയാണേലും സമരമാണേലും ജീവിതമാണേലുമെല്ലാം ഒരേ നടിപ്പു താനെടേ ശിന്ന വേതാള്‍.
ഹയ്യോ.. വേതാള്‍  നടിപ്പല്ല, ഒറിജിനലാണ്  സര്‍ വിക്രം.
മുദ്രാവാക്യം വിളിക്കാതെ അടങ്ങി നിന്നാല്‍ നിനക്ക് ബാക്കി കേക്കാം. കേക്കണോ പോണോ?
കേട്ടോളാവേ
ചുമട്ടുതൊഴിലാളികളോ  കെട്ടിട നിര്‍മ്മാണത്തൊഴിലാളികളോ  ജാഥ നടത്തിയ ാ  ഏതു ഭാഷേ മുദ്രാവാക്യം വിളിക്കണം?
ഹിന്ദീല്, ബംഗാളീല്, ബീഹാറീല്,
ക്യോം?  ഡാ  ബഹുഭാഷ പിശാശേ. പുതിയ വര്‍ക്കിങ്ങ് ക്ലാസ്സു വന്നപ്പോള്‍  പഴയ നാടന്‍ തൊഴിലാളികളു  കങ്കാണികളായി.  നോക്കു കൂലിക്കാരും ഇവന്‍റ് ഓര്‍ഗനൈസേഴ്സുമായി. ജാഥ വിളിക്കാന്‍ മാത്രമല്ല നെഞ്ചത്തടിം നിലവീളീം മുതല്‍ കൈയ്യും കാലും തല്ലിയൊടിക്കലും അവിഹിതോം പ്രണയോം വരെ ക്വട്ടേഷനായി.  സ്പെഷ്യലൈസ്ഡ് ആയി.
ഹെന്നു വെച്ചാ..
ഡാ  കങ്കാണി ജനത്തിനു പാര്‍ട്ടിഭേദമില്ലാതെ  മറ്റു പലവിധ തിരക്കുകളുളളതിനാല്‍  മുദ്രാവാക്യം  വിളിക്കാനും  ജാഥയ്ക്കു പോകാനുമൊന്നും സമയമില്ലെടേ. കഷ്ടിച്ച് സ്റ്റേജിനടുത്തെത്തുമ്പോള്‍ ഇടിച്ചു കയറാനല്ലാതെ.
യ്യോ
ഡാ നിന്‍റെ മരക്കൊമ്പിനു തടമെടുക്കണേ നീയെന്നാ ചെയ്യും? കിളയ്ക്കുവോ അതോ  രാവിലെ ചന്തവട്ടത്തിനിരിക്കുന്ന അന്യസംസ്ഥാന  വര്‍ക്ക്ഫോഴ്സിനെ വിളിക്കുവോ?
വര്‍ക്ക് ഫോഴ്സിനെ വിളിക്കും.
അത്രേയൊളള്  ജാഥയ്ക്കും മുദ്രാവാക്യത്തിനും.  ഡാ ഉദാരവത്കരണനാനന്തരം  ഒരുപാടു തൊഴില്‍തുറകളു പൊട്ടിമുളച്ച്.  ഒന്നുമില്ലേല്‍  മുദ്രാവാക്യം വിളിക്കുന്നവന് ഡീസന്‍റായി കൂലികിട്ടുന്നെന്നോര്‍ത്ത് സന്തോഷിച്ചാട്ടെ  ആനന്ദിച്ചാട്ടെ, എന്നിട്ടു നീ നേരത്തെ ചിരിച്ച ആ വൃത്തികെട്ട  ചിരീമെടുത്തോണ്ട് മരക്കൊമ്പ് ചല്‍.  സംഭവശുഷ്കമായ ഒരു ദിവസം മുന്നില്‍ നീണ്ടും നിവര്‍ന്നും  ഈഗിള്‍ സ്പ്രഡു ചെയ്തും കിടക്കുന്നു. ഓട ് പിശാശേ

Read more »

Wednesday, October 4, 2017

വാക്സിന്‍

സര്‍, സര്‍, സര്‍.. കൊഞ്ചം ഗൌനിച്ചിടുങ്കോ
എവനെടേ പീക്കോ അയ്യരുടെ ക്യൂബ വായിച്ചോണ്ടിരിക്കുമ്പോ  ചൊറിയുന്നത്?
സന്ദേഹം സര്‍, സന്ദേഹം.
എതുക്ക് സന്ദേഹം?
വാക്സിന്‍ തേവയാ ഇല്ലയാ?
ഡായ്, മോഡേണ്‍ മെഡിസിന്‍ വ്യാപകമാവുന്നതിനു മുന്‍പ് ജനം പ്രായമെത്താതെ താവടിയാവുന്നതിന്‍റെ  ഹേതു ക്യാ ക്യാ?
ശൊല്ലുങ്ക സര്‍
ഒന്ന് പട്ടിണി, അകത്തേക്കു വല്ലോം ചെന്നില്ലേല്‍ ദേഹോം ദേഹീം തമ്മിലുളള ചുറ്റിക്കളി തീരും.  തിന്നാനുളള വക കുറച്ചു പേര്‍ക്കു മാത്രമുളള കാലത്ത് പട്ടിണി വ്യാപകമാരുന്നു. യാത്രാ സൌകര്യമില്ലാത്ത  കാലത്ത് ക്ഷാമവും.  ഒരു പ്രകൃതിക്ഷോഭം  പോലും പട്ടിണി മരണത്തിനു കാരണമാരുന്നു. ടെക്നോളജി വികസിച്ചപ്പോ അതങ്ങു പോയി.
ഹയ്യോ..
രണ്ടാമത് ഹേതു ക്യാ?
രോഗം..
ഹും  മഹാമാരികളും പകര്‍ച്ചവ്യാധികളും മുതല്‍ പകരാത്തവ വരെ.  ഒരു പത്തു നാല്പത് വയസ്സു പ്രായമുളളവരുടെയൊക്കെ സഹപാഠികളും പരിചയക്കാരുമൊക്കെയായി പോളിയോ ബാധിച്ചവരു കാണും.  അന്നത്തെ കാലത്ത് പോളിയോ വാക്സിനില്ലാഞ്ഞിട്ടല്ല. കുട്ടിക്കതെടുക്കാനുളള  സാഹചര്യമില്ലാഞ്ഞിട്ടോ അജ്ഞത കാരണമോ..
ഹയ്യയ്യോ
അച്ഛന്‍റെയും  അമ്മയുടേം അജ്ഞതയുടെ വിലയാണ്  ഒരു കാല കുട്ടികളുടെ  ഊന്നു വടിയിലിഴഞ്ഞ  ശിഷ്ടജീവിതം. നഷ്ടപ്പെട്ട കളിക്കളങ്ങള്‍. കളികള്‍, കൂട്ടുകാര്‍, നിന്ദ, പരിഹാസം, പരിമിതി.
അപ്പം?
വാക്സിനെടുക്കാതിരിക്കുന്നത്  നിലവില്‍  തെളിവുകളും  പഠനങ്ങളുമെല്ലാം കഴിഞ്ഞ സ്ഥാപിതയുക്തികളിലും അറിവിലും കുട്ടികളോട് ചെയ്യുന്ന ക്രിമിനല്‍ കുറ്റമാണ്. പെറ്റിക്കേസ് പോലുമല്ല.  സ്വന്തമായി തീരുമാനമെടുക്കാനും സ്വന്തം കാര്യങ്ങളു ചെയ്യാനും അറിയാത്തവരുടെ  സ്നേഹത്തിന്‍റെ വിശ്വാസത്തിന്റെ  കുട്ടികള്‍ക്കു വേണ്ടി എല്ലാം ചെയ്യുമെന്ന  ഉറപ്പിന്‍റെ  ദുരുപയോഗം. കുഞ്ഞു പൈതങ്ങളോടുളള വിശ്വാസവഞ്ചന.
അപ്പോ വാക്സിന്‍ വിരുദ്ധം?
ഡാ വാക്സിനു തെളിവു വേണം , പഠനം വേണം, ക്ലിനിക്കല്‍ ട്രയല്‍ വേണം. നിയമവാഴ്ച വേണം. പലവിധ ഫോബിയകള്‍ക്ക് അതൊന്നും വേണ്ട.  തെളിവുകളും  അടിസ്ഥാനങ്ങളുമില്ലാത്തതാണ് ഭയങ്ങളും കുപ്രചരണങ്ങളും
ഹമ്മേ..
ഡാ സൌകര്യങ്ങളൊന്നുമില്ലാത്ത കാലത്ത് ഒറ്റയ്ക്ക് പ്രസവമെടുക്കുന്നത്  വേറെ ഗതിയില്ലാഞ്ഞിട്ടാണ്.  സകല സൌകര്യവുമുളള കാലത്ത്  അതു ചെയ്യുന്നത്  പങ്കാളിയെ അപായപ്പെടുത്താനുളള ശ്രമമാണ്.  എണ്ണിയാലൊടുങ്ങാത്ത  കോംപ്ലിക്കേഷനുകളിലേക്ക് എക്സ്പോസ്സ് ചെയ്യുകയാണ്.
ഹയ്യോ
ലഭ്യമായ ഫാക്ടും ഫിഗറുകളും വെച്ച് നടപ്പില്‍ ഇതാണ്  ശാസ്ത്രീയം.  നാളെ മാറുവാരിക്കും.  കുട്ടികളുടെ കാര്യത്തില്‍ പ്രത്യേകിച്ചും  കുഞ്ഞുങ്ങളുടെ കാര്യത്തില്‍ ഒന്നും സാധ്യതയ്ക്ക് വിടരുത്. ഊഹാപോഹത്തിനും
അപ്പം ഈ പ്രചരണം?
തന്‍കുഞ്ഞു പൊന്‍കുഞ്ഞെല്ലാം കൃത്യസമയത്തു തന്നെ വാക്സിനെടുത്തു മുതിര്‍ന്നുകാണും,  പേരക്കുട്ടികള്‍ക്ക് വാക്സിന്‍ വേണ്ടെന്നു പറഞ്ഞാല്‍  മരുമക്കളു കിറിക്കു കുത്തും. ഓരോ വാര്‍ദ്ധക്യകാല വിനോദങ്ങള്‍.  ഭയത്തിന്‍റെ ലീലാവിലാസങ്ങള്‍. ആരാന്‍റമ്മയ്ക്ക് ഭ്രാന്തുപിടിക്കുന്നതു കാണുമ്പോഴുളള ദര്‍ശനസുഖവൈകൃതം. ഡാ നീ  ആ ബോര്ഡു കണ്ടോ..
കണ്ട്
വായിക്ക്
എന്റെ പുറം എന്റെ  ജന്മാവകാശം. ഞാന്‍ തന്നെ ചൊറിഞ്ഞോളാം
അര്‍ത്ഥം പറ
സ്ഥലം കാലിയാക്ക് വേതാളമേന്നല്ലേ, ഞാനസ്തമിച്ച്.

Read more »

Tuesday, October 3, 2017

പുരോഗമനം

സര്‍
ഹും, നിന്‍റെ നിലവിളി ശബ്ദം കേട്ടില്ലല്ലോന്ന് ചിന്തിച്ചതേയൊളള്..
പത്രികൈ പാര്‍ത്താച്ചാ?
എതുക്ക് കണ്ണാ എതുക്ക്?
സൌദീല്  പെണ്ണുങ്ങള്‍ക്ക് വണ്ടിയോടിക്കാം പോലും..
ഡാ വീട്ടീന്നു പുറത്തിറങ്ങാന്‍ ആണിന്‍റെ സമ്മതോം അകമ്പടീം വേണ്ടടത്ത് വണ്ടിയോടിച്ചിട്ടു ക്യാ സമാചാര്‍?  അതിലെന്തോന്ന് പുരോഗമനം? കുറ്റവും ശിക്ഷയും തമ്മിലുളള കിടുതാപ്പറിയോ?
എന്നാലും ..
ഡാ ആ ദേശത്തു തന്നെ വേറൊരു സ്ഥലമുണ്ട്. അരാംകോയുടെ കോമ്പൌണ്ട്. അത്  പടിഞ്ഞാറന്‍ ദേശമാണ്.
ങ്ങേ?
മദ്യപാനവും വസ്ത്രവുമടക്കമെല്ലാം  വെസ്റ്റേണ്‍?
അപ്പം നിയമം?
പണി നടക്കണേ  സായിപ്പന്‍മാരു വേണം, പണം വരണേലും.
ങ്ങും
പണത്തിനു  മേലെ പരന്തും പറക്കൂല്ല.  അതിപ്പം എണ്ണപ്പണമാണേലും
അതോണ്ട്,,
 ലിറ്റില്‍ അമേരിക്ക വരും. അവിടെ  സായിപ്പന്മാരവരുടെ രീതിക്കു ജീവിക്കും.
അപ്പം ഡ്രൈവിങ്ങ്..
Depression triggered depression  എന്നു കേട്ടിട്ടൊണ്ടോ?
ഇല്ല.
സാധ്യതയില്ലെടേ കുട്ടിപിശാശേ. ഇപ്പം ഫ്രഷായിട്ടു ചുട്ടെടുത്തതാണ്.
എന്തുവാ വിക്രം സാര്‍ അത്?
സാമ്പത്തികമാന്ദ്യം കാരണം കടുവിഷാദയോഗത്തില്‍  സാമ്പത്തികശില്പമുണ്ടാക്കുന്ന സ്ഥലമാണ്.
മാന്ദ്യത്തിനും ഡ്രൈവിങ്ങിനും തമ്മിലെന്ത്?
പെണ്ണുങ്ങളു വണ്ടിയോടിക്കുമ്പോ എന്തോ സംഭവിക്കും
സാധാരണ പോലെ വണ്ടിയുരുളും. ഓടും
ക്ഷമ ആട്ടിന്‍ സൂപ്പിന്‍റെ ഫലം ചെയ്യുന്ന പോലാ, അസ്ഥാനത്തുളള കോമഡി അടിയുടെ ഫലം ചെയ്യും.
മന്നിച്ചിടുങ്കോ സര്‍..
ഡാ പെണ്ണുങ്ങളു വണ്ടിയോടിക്കുമ്പോ  കുടുംബം പ്രതി സ്ത്രീജനം പ്രതി  അപ്പോയിന്‍റു ചെയ്തേക്കുന്ന ഡ്രൈവന്‍മാരുടെ എണ്ണം കുറയും.  ഒന്നു മുതല്‍ നാലു സ്റ്റാഫിന‍്റെ  ശമ്പളം കുറഞ്ഞാല്‍ കമ്പനിക്കു ലാഭമെത്രെ?
ഹംച്ചീ
ഇന്ത്യന്‍ ഫിലിപ്പീന്‍ ശ്രീലങ്കന്‍  ജനം കൈയ്യിക്കിട്ടുന്ന കാശടുത്ത ദിവസം  കുഴലിലിടുവോ  വെസ്റ്റേണ്‍ യൂണിയനയക്കുവോ ചെയ്യുമ്പോള്‍ പുറത്തേക്കു പോകുന്ന സമ്പത്തെത്ര? അതു തടഞ്ഞാലുളള ലാഭമെത്രെ?
ഹയ്യയ്യോ ഹയ്യോ..
കൂവാതെടാ പിശാശേ..
ഇതിന്‍റെ ഫലം?
എണ്ണ രാജ്യങ്ങളു മുണ്ടു മുറുക്കിയുടുത്തു തുടങ്ങി..
അതുക്ക്
ജാഗ്രതൈ, ഗള്ഫ് പെറും  എന്‍ആറ്‍ഐ കുത്തും  നാട്ടുകാരു വെക്കും പിളേളരു തിന്നും  പഴങ്കഥയാകപോവത്
എന്നു വെച്ചാ
കളളവേതാളമേ നിന്നെ പോലെ  തലേംകുത്തിക്കിടക്കുന്ന ഇത്തിക്കണ്ണി സമ്പദ് വൃവസ്ഥയെ  നോക്കി കണ്ണുരുട്ടുന്നതാണ്  പുരോഗമനം
ഹയ്യോ
സാമ്പത്തികം കൊണ്ടും പുരോഗമനം വരും. അല്ലേലതുകൊണ്ടേ വരൂ. ഇന്നേക്കിത്രേം പോതും. മണ്ടിത്തള്‍


Read more »

Monday, October 2, 2017

ചാരം

സര്‍
സര്‍
സര്‍
മതിയെടേ മൂന്നു വട്ടം കൂവി. കാര്യം പറ.
കവിത കാണാനില്ല സര്‍.കവിത കാണാനില്ല
കിസ് കവിത, കിസ് കാ കവിത, കവിത കിദര്‍, കബ്, കൈസേ..
നാട്ടാരെടപെട്ടളഞ്ഞ കവിത..
എടപെട്ടളഞ്ഞതിനെന്തു കുറ്റം വേതാള്‍?
സദാചാരം, അശ്ലീലം, മാന്യത..
ഡാ തലതിരിഞ്ഞവനേ, സെലക്ടീവ് അമ്ലേഷ്യമേ. ഈ പുണ്യപുരാതന ഭൂവില്‍ മിക്കവാറും എല്ലാം തെറിയാടേ.
കൈസേ വിക്രം ജി, കൈസേ.
സാധാരണ ജനത്തിനു  അക്ഷരം പാടില്ലാരുന്നു. പാങ്ങൂമില്ലാരുന്നു.  സോ ഭാഷ യേതാണ്ട് കുലീനമെന്ന് അണ്ട്രാവിയിട്ടു വൃത്തത്തിലോടി, ചതുരവടിവിലെഴുതി, മുറുക്കിത്തുപ്പി ഏമ്പക്കം വിട്ടു. പാടില്ലാത്ത പാങ്ങില്ലാത്ത ജനം പാട്ടുണ്ടാക്കി. ചതുരവടിവും വൃത്തോമില്ലാത്തതു കൊണ്ട് അവറ്റകളുടെ  ഭാഷ തെറിയായി. അശ്ലീലമായി. നിതംബം സുന്ദരമായി ചന്തി  വൃത്തികേടും.
ങ്ങേ..
ഡാ  ചതുരവടിവിലു കേള്‍ക്കുമ്പോ സുന്ദരമായിരിക്കുന്നതൊക്കെ  പരിഭാഷപ്പെടുത്തുമ്പോ വൈകൃതവും അശ്ലീലവുമൊക്കെയാവും. മനുഷ്യനാണേലും ഭാഷയാണേലും.
അപ്പം സദാചാരം?
ആരുടെ ചാരം. നിനക്കെന്തായിപ്പോയി. അധികം കിഴക്കോട്ടൊന്നും പോണ്ട ഒരറുപത് കളിലെ സാഹിത്യം വരെയൊക്കെ വായിച്ചാ ഏതാണ്ടാ ചാരത്തിന്‍റെ ആധുനിക രൂപം കിട്ടും. പ്രാകൃതം അതിനേക്കാള്‍  കടുവാണ്.
ങ്ങേ..
വാ പൊളിച്ചാ ചാരം വിതറാതെ ഇടയ്ക്കു ഒന്നു രണ്ട് കിത്താബ് വായിച്ചാ തീരുന്ന പ്രശ്നമേയൊളള്.
ങ്ങേ?
സദാചാരബാധയാണ് നിന്‍റെ രോഗം. പഴയ പുസ്തകങ്ങള്‍ ഒന്നു വീതം മൂന്നു ദിവസം കൂടുമ്പോ  മരുന്നു.  ബാധ തുടക്കമാണേലിച്ചിരി ശമനം കിട്ടും.
ഹയ്യോ..
ആന്നെടാ, ചരിത്രം ഒരുമാതിരി  ബാധയ്ക്കൊക്കെയുളള ആന്‍റി വെനമാണു കൊച്ചുവേതാള്‍. ഇനി ഓട്
ഞാമ്പോയി.
പതിവുപോലെ സദാചാരം വിളമ്പിയേച്ചു തുണ്ടു പടം കണ്ടപ്പുറത്തെ മരക്കൊമ്പിലെ ഫുലാജിലേക്കല്ലേ.. മണ്ടിത്തളള്.

Read more »

Sunday, October 1, 2017

വെളുത്തുളളി

സര്‍..
സര്‍..
സര്‍...
മണ്‍ഡേ ബ്ലൂസിലാകുലനെ  എവനെടേ കൂവി വിളിക്കുന്നത്? ക്യാ സമാചാര്‍
ആന്ധ്ര വെളുത്തുളളി യച്ചാറ്  വിക്രം സര്‍, ആന്ധ്ര വെളുത്തുളളിയച്ചാര്‍..
കൊച്ചുവെളുപ്പാന്‍ കാലത്ത്   എമണ്ടി  പിക്കിള്‍?  ചേപ്പു.
 തീവ്രവാദികളുടെ തടവിലാരുന്നപ്പോ  മുട്ടയും പാലും  ചിക്കനും മട്ടനും മാത്രമല്ല  അച്ചറുമുണ്ടാരുന്നു പോലും.
നോ ഒണക്കച്ചപ്പാത്തി? നോ സാന്ഡ്‍വിച്ച്?
ജസ്റ്റ്  അഞ്ചു മുട്ട, പാല്, ചിക്കന്‍, മട്ടന്‍, ദഹിക്കാന്‍ അച്ചാറും.
സ്റ്റോക്ക് ഹോം  സിന്‍ഡ്രമെന്നു  കേള്‍വി പെട്ടിരുക്കാ?
ഇല്ലൈ.  ദയവു ശെയ്ത്  ശൊല്ലുങ്ക സര്‍.
മോചനദ്രവ്യത്തിനു വേണ്ടി സ്റ്റോക്ഹോനമിലൊരു ബാങ്കില്‍ ആറു ദിവസം  തടവിലാരുന്നവരില്‍ നാലു പേര്‍ പിരിയുമ്പോള്‍ നെഞ്ചത്തടിച്ചും നിലവിളിച്ചുമാണ് യാത്രയായത്. അമ്മച്ചിമാരുടെ സംരക്ഷണത്തില്‍ നിന്നും അക്രമികളെ രക്ഷിക്കാന്‍ പോലീസിനു ബലം പ്രയോഗിക്കേണ്ട അവസ്ഥ. അതിലൊരമ്മച്ചി ആശുപത്രീന്നു പുറത്തിറങ്ങിയിട്ടു കണ്ട സൈക്യാട്രിസ്റ്റാണ് വേതാള്‍ ആ പ്രതിഭാസത്തിനു സ്ഥലപ്പേരു കൂട്ടി പേരിട്ടത്.
ങ്ങേ..
വായടച്ചു പിടിക്ക് പിശാശേ.  ചെറിയ വലിയരുപങ്ങളിലെല്ലാര്‍ക്കും സംഭവമുണ്ട്. ദിവസവും വൈകിട്ട് കളളു മോന്തിയേച്ച് വന്നു പെണ്ണുമ്പിളേള പഞ്ഞിക്കിടുന്നവന്‍ ഒരു ദിവസം പഞ്ഞിക്കിട്ടില്ലേല്‍ പെണ്ണുമ്പിളള ചൊറിഞ്ഞു പഞ്ഞിക്കിടീപ്പിക്കും.
ഹയ്യോ
സാഡ്‍ലി നിരന്തര  പീഡനത്തിന്‍റെ ഇരകളും  നല്ലൊരു ശതമാനം,  പീഡനത്തിന്‍റെ അഭാവത്തില്‍  വിദ്‍ഡ്രോവല്‍ സിംപ്ടം കാണിക്കാറുണ്ട്. അപൂര്‍വ്വം ചിലര്‍ പീഡകനെ  തിരഞ്ഞു പോവാറും.
ഹംച്ചീ, അപ്പോ അച്ചാറ്‍?
വെളുത്തുളളിയാണേലും കണ്ണിമാങ്ങയാണേലും മുട്ടയാണേലും  കോഴിയാണേലും ഇര പീഡകനെ ന്യായീകരിക്കാന്‍ കണ്ടെത്തുന്ന  കാരണങ്ങളു മാത്രമാണ് പിശാശേ . തൊട്ടടുത്ത് ഷെല്ലു വീണ പട്ടാളക്കാരനെ പിടിക്കുന്ന  ഭയത്തിന്‍റെ അടുത്ത പടി.
ഹൌ കംസ് വിക്രം സര്‍, ഹൌ കംസ്..
‍ഡാ ഇരട്ടത്തരിവറക്കുന്ന  മരംകേറീ. ഭയം എന്തുവാടേ?
എന്തുവാ?
അമിതവും അയുക്തവുമായ ഭാവന വര്‍ക്കൌട്ട് ചെയ്യുന്നത്.
അപ്പം അച്ചാര്‍?
കയറ് പാമ്പാന്നു തോന്നിപ്പിക്കുന്ന  ആ പ്രതിഭാസം. ഇനീം നിന്നാ നിനക്ക് ഭയം വരും. മണ്ടിത്തളള്. സ്ഥലം കാലിയാക്ക്.  വെറുതെ കൊതിപ്പിച്ച്.  ആന്ധ്രാ  ചട്ണീം മാങ്ങാ അച്ചാറും  സ്വപ്നം കണ്ടോണ്ടിച്ചിരി ഉറങ്ങട്ടും.

Read more »