Wednesday, May 13, 2015

ട്രാഫിക്ക്

ഗുഡ്മോണിങ്ങ് വിക്രം സര്‍ര്‍..
എന്തോന്നെടേ ഒരെക്കോ..
ഒന്നൂല്ല, ആ കല്ലേറു കണ്ട വൈബ്രേഷനില്‍..
വിവക്ഷിതത്തിലെ കര്‍ത്താവ് കര്‍മ്മം ക്രിയ ക്യാ?
കര്‍മ്മമല്ല വിക്രംജീ കര്‍മ്മിണി. സ്ത്രീലിംഗത്തിന്റെ കര്‍മ്മാണ് ഗുരോ വിഷയം.
ഡായ് പന്മന മുതല്‍ പേരു കടുപ്പിച്ചും കാരശ്ശേരി മാസ്റ്റര്‍ ചിരിപ്പിച്ചും കൈകാര്യം ചെയ്യുന്ന വിഷയത്തെ, വ്യാകരണത്തെ ഏമാത്തതാ?
മന്നിച്ചിടുങ്കോ. വിഷയം ഒരു ട്രാഫിക്ക് പോലീസുകാരന്‍ ഒരു സ്ത്രീയെ കല്ലെടുത്തെറിഞ്ഞു.
എന്ത ഇടം?
ഹസ്തിനപുരി..ആനാല്‍ അപ്പടിയല്ല. ആദ്യം വനിതയാണ് കല്ലെടുത്തെറിഞ്ഞതെന്നും തെറി പറഞ്ഞതെന്നും പുതുശ്.
ഡായ്, എവര്‍ ബീന്‍ ദേര്‍ ഇന്‍ ഡെല്ലി? റൈഡിങ്ങ്?
നോപ്പ് നെവര്‍ സര്‍ വിക്ര്. നുമ്മ മരക്കൊമ്പും അപ്പറുത്തെ മദ്യവയസ്കരേം വിട്ടു നുമ്മളെവിടേം പോയിട്ടില്ല.
എന്നാ പതിവിനു വിപരീതമായി നീ ഒരു നരേഷന്‍ കേള്. ആദ്യം ഹെല്‍മറ്റ് നിര്‍ബന്ധമാക്കിയ കാലം. യങ്ങ് ചാപ്പ്..സുന്ദരന്‍..അതികായന്‍
ഹൂസ് ദാറ്റ്..
ഡാ നീ ഫേസ് ചെയ്തു നില്‍ക്കുന്ന ദ വെരി മീ. അസ്ഥാനത്ത് ഫലിതം പറഞ്ഞാല്‍ ഇടിച്ചു നിന്റെ ലങ്ക ആസ്ട്രേലിയയാക്കിക്കളയും. ബ്ലഡി ഫൂള്‍
മന്നിച്ചിടുങ്ക. ദയവു ശെയ്ത് ബാലന്‍സ് ശൊല്ല് തലൈ..
റെയില്‍േവ സ്റ്റേഷനില്‍ പിക്കു ചെയ്യാന്‍ ബൈക്കും കൊണ്ടു വന്നവന്‍, തോളത്തു മൂന്നു നക്ഷത്രമുള്ളവന്‍ ഭവ്യതയോടെ രണ്ടു ഹെല്‍മറ്റു ചുമക്കുന്നു. ക്യോം?
ക്യോം.
അവനോടു തന്നെ ചോദിച്ചു. ഡാ, തോളത്തു മൂന്നു നക്ഷത്രമുള്ള നിനക്കും ഹെല്‍മറ്റോ? തീക്കട്ടേലുറുമ്പരക്കുവോ? വര്‍ഗ്ഗസ്നേഹം ഈ നാട്ടിലെ പോലീസുകാര്‍ക്കില്ലെടേ?
ഹെന്നിട്ട്?
അവനുവാച. അണ്ണാ, ആ കൈയ്യിലിരിക്കുന്ന ലാത്തിക്കു രണ്ടു തല്ലു കീട്ടീട്ടു നാലു നക്ഷത്രമുണ്ടെന്നു പറഞ്ഞിട്ടു കിം ഫലം. പില്യണ്‍ റൈഡര്‍ക്കും ഹെല്‍മറ്റ് ഉണ്ടായി  താനാവണം. കൈകാണിച്ചു വണ്ടിനിര്‍ത്തുമ്പഴേ അവന്‍ ലാത്തിക്കു കീറും.
എന്തോന്നെടേ ഇത് അക്രമകാരിയാവാന്‍ ഇതെന്തോന്ന് കൂലിപ്പട്ടാളക്കാലമോ?
നോട്ട് ലൈക് ദാറ്റ് അണ്ണാ,  ഈ പുരാന മുതല്‍ ന്യൂ വരെ ഹസ്തിനപുരിയില്‍ റോഡരുകിലെ പാവങ്ങള്‍ തവരെ മീതിയെവനും ഒരു ഐഎഎസ് ഐപിഎസ് മന്ത്രി നേതാ ബാബു ബന്ധുവായിക്കാണും. അവന്‍ വാതുറന്നാല്‍ ഇവന്‍ പെടും. നിയമം നടപ്പാക്കിയില്ലെങ്കില്‍ സാധു കോണ്‍സ്റ്റബിളും പെടും. അതിനു പോലീസ് ലോക് കണ്ട വഴിയാണ്. വണ്ടി കൈകാണിച്ചു നിര്‍ത്തുമ്പോഴേ ലാത്തിക്കു രണ്ടു പെട. പിടിച്ചവന്റെ നാക്കീന്നു മന്ത്രീം തന്ത്രീം വരുന്നതിനു മുന്‍പെ.
ഹംച്ചീ..
നൗ ബാക്ക് ടു യുവര്‍ ടോപ്പിക്ക്.  ഡാ, നിയമം എഴുതുവേം വ്യാഖ്യാനിക്കുവേം ചെയ്യുന്നവര്‍ക്ക് അതു നടത്താന്‍ പാവം കോണ്‍സ്റ്റബിളു പെടുന്ന പാടുവല്ലോമറിയോ? സെക്ഷന്‍ സൂപ്രണ്ടു മുതല്‍ അത്യുന്നതങ്ങള്‍ വരെയുളളവര് തേരാപാരാ സഞ്ചരിക്കുന്ന ഒരു ദേശത്ത്  റിട്ടയറാവുന്നതു വരെ റേഷന്‍ ഗോതമ്പു വാങ്ങുന്നത് തുടരാന്‍ ചില്ലറ പെടാപാടൊന്നുമല്ല.
ങ്ങേ?..
ഡാ, പതിവു പോലെ ഒരു വീക്ഷണ കോണിന്റെ പ്രശ്നം. നിര്‍ത്തി നിര്‍ത്തി വീഡിയോ കണ്ടു നോക്ക്. എന്നാലേ ഭാവം വരൂ.
അപ്പം.
അപ്പം നീ മണ്ടിത്തള്ള്. ഇന്നേക്കുനക്കിതു പോതും. ചല്‍.

Read more »

Tuesday, May 12, 2015

വിധി

ഗുഡ്മോണിങ്ങ് വിക്രം സാര്‍..
തദാസ്തു.
എപ്പഴും എപ്പഴും.
ഒരു സംശയം
വാട്സ് ദാറ്റ്. ഷൂട്ട്.
അല്ല  പത്തു സെക്കന്‍ഡിലു വിധിക്കാമോ?
നിയമജ്ഞാനി വേതാള്‍. ചേഞ്ച് ദ വേ യു ലുക്.
ഹൗ?
പത്തു സെക്കന്‍ഡിലൊറ്റ വാചക വിധി. അപ്പടി താനേ?
ആമാം.
ഡേയ്, ഈ വന്തകാലം അതൊരൊന്നര പോസ്സിബിലിറ്റിയാണ്.
എന്തു പോസ്സിബിലിറ്റി?
ധ്വനിപ്പിക്കലുകളുടെ, സെന്‍സേഷന്റെ, അഭ്യൂഹങ്ങളുടെ, കിംവദന്തികളുടെ..
എന്നു വെച്ചാല്‍?
ഇനീം മനസ്സിലായില്ലേല്‍ നിനക്കേതു ഭാഷ വേണം? സാമ്പത്തിക ശാസ്ത്രം?
സാമ്പത്തിക ശാസ്ത്രമെപ്പടി ഭാഷയാവും സര്‍ വിക്ര്. അതൊരു അക്രമമല്ലേ?
ഡേയ് സോമ്പേരി വേതാള്‍. കൊള്ളാവുന്ന ഹെഡ്ഡിങ്ങെഴുതിയാല്‍ കിട്ടുന്ന ക്ലിക്കിനെ വ്യൂവര്‍ഷിപ്പിനെ പരസ്യത്തിന്റെ കണക്കിലും വ്യൂവര്‍ഷിപ്പിന്റെ കണക്കിലുമെഴുതിയാല്‍ വരവെത്ര, ചിലവെത്ര?
അപ്പം?
അതുക്കു പിന്നാടി പത്തുതൊള്ളായിരം പേജുള്ള വിധി വേറെ വന്നാരുന്നു. ആദ്യം അതു വായിച്ചു മനസ്സിലാക്കാനുള്ള നിയമപരമായ ഭാഷാ ബോധം വേണം. മിനക്കെടണം. അതെല്ലാം ചെയ്തു പഠിച്ചെഴുതിയാല്‍ സെന്‍സേഷന്‍ പക്ഷി പറക്കൂല്ല. വ്യൂവര്‍ഷിപ്പിലും ക്ലിക്കിലും ഓര്‍ഗ്ഗാസം സംഭവിക്കൂല്ല.
ങ്ങേ.
ആ വായടക്ക്.  വാര്‍ത്താധര്‍മ്മം കുറഞ്ഞത് മലയാളത്തിലെങ്കിലും പണമാണ്. അതിന്റെ കൂട്ടത്തില്‍ ചിലര്‍ വെല്‍ വിദിന്‍ ദി ലിമിറ്റ്സ് വാര്‍ത്തയും കൊടുക്കുന്നു.
എന്നു വെച്ചാല്‍
ഡാ വാര്‍ത്ത എന്നു വെച്ചാല്‍. അല്ലേ വേണ്ട, നിമിഷകലയായ വാര്‍ത്ത ഒരു വരുമാന മീഡിയമോ വെഹിക്കിളോ കൂടാണ്.
അപ്പം വിധി?
എലിമെന്ററി മി.വേതാള്.  വിധികളെപ്പഴും നടപടി ക്രമങ്ങളും അതിന്റെ നിയമപരമായ മാനിപ്പുലേഷനുമാണ്. അപ്പീല്‍ കോടതിയില്‍ ക്രോസ് വിസ്താരമല്ല, എഴുതിത്തയ്യാറാക്കിയ വാദമുഖങ്ങളും അവതരണങ്ങളുമാണ്. ആ സെന്‍സേഷനേന്നു പിടിവിട്. എന്നിട്ടു പോയി വിധി വായിക്ക്. തലയ്ക്കു വെളിവു കിട്ടൂല്ലേലും വിധിയെക്കുറിച്ചൊരു ബോധം കിട്ടും.
അപ്പം നമ്മളെ ഹെഡ് ലൈന്?
പേനയുന്തുന്നവനെ മാത്രം കുറ്റം പറയാനൊക്കൂല്ല. നമ്മക്കിപ്പഴും വാര്‍ത്ത ദൃക്സാക്ഷി വിവരണവും അഭ്യൂഹവും മാത്രമാണ്. വിധിയെഴുതാനുപയോഗിച്ച പേനയുടെ നിബ്ബ് ആയിരത്തി എഴുനൂറുകളില്‍ അമേരിക്കയിലേക്കു കുടിയേറിയ മലയാളിയുടെ മൂന്നാം തലമുറക്കാരനുണ്ടാക്കിയാതണെന്ന പോലുള്ള പടപ്പുകളും അതിസെന്സേഷനല്‍ കിടുതാപ്പും. അത് വിശകലനത്തോടടുക്കുന്നില്ല.
വൈ സോ?
പഠിച്ചേച്ച് മിനക്കെട്ടെഴുതുന്ന സംസ്കാരമില്ല. അത്തരം വാര്‍ത്തകളുടെ വാക്വം സൃഷ്ടിക്കപ്പെട്ടിട്ടില്ല. ജനം എന്‍ഡിടിവിയുടെയും വിദേശമാധ്യമങ്ങളുടെയും പിറകെ പോകുന്നതില്‍ കുറ്റം പറയാനൊക്കില്ല.
അപ്പം.
പത്തു സെക്കന്‍ഡു കൊണ്ട് ഞാനൊരു വിധി പറയട്ടും.
അതെന്തര്.
രാവിലെ സംശയക്കൊടുമുടിയിലവരോഹണം നടത്താതെ സ്ഥലം കാലിയാക്ക് വേതാള്‍. ഉനക്കിന്നേക്കിതു പോതും. 

Read more »

Thursday, May 7, 2015

വിപ്ലവം

കൊമ്രേഡ് വിക്രം.
ഹെന്തര് വേതാള്‍. പതിവില്ലാത്ത പേരു ചൊല്ലിവിളി? സാറും പൂജക ബഹുവചനവും ചേര്‍ത്തുള്ള വചനം കാലഹരണപ്പെട്ടേടേ?
കളിക്കരുത്. വിടുതലൈ വരപ്പോത്. വിടുതലൈക്കപ്പുറം എല്ലാരും എപ്പോതും കൊമ്രേഡ്സ്..
ശരി കൊമ്രേഡ് വേതാള്‍. അപ്പുറം വിപ്ലവം വരുന്നതിന് അടുത്ത സ്റ്റെപ്പെന്ത്?
ഒളിപ്പോര്‍. ഒരു മുതലാളിത്ത ബൂര്‍ഷ്വയ്ക്കതു മനസ്സിലാവൂല്ല..
നീ നല്ല റബ്ബര്‍ സോളുള്ള ഷൂ വാങ്ങിയോ? ചൂലു വാങ്ങിയോ? തിരിഞ്ഞു നിന്നു നടക്കാനും നടന്നിടം അടിച്ചു വാരാനും പഠിച്ചോ?
ഹതെന്തരിനു കൊമ്രേഡ്?
ഹോചിമിന്‍ വായിക്കണമെടേ നവവിപ്ലവകാരീം.. കാല്പാടുകളവശേഷിപ്പിക്കാതെ നടക്കണം.
ങ്ങേ?
ഇന്‍ഡക്ഷന്‍ കുക്കറു വാങ്ങിയോ?
ഹെന്തിന് വിക്രം സര്‍? എന്തിന്?
പുകയില്ലാതെ തീകൂട്ടാന്‍
ഇതൊക്കെ വേണോ?
വേണം കൊമ്രേഡ് വേണം. കിത്താബ് വായിക്കണം.
ങ്ങേ അതും ചെയ്യണോ?
നീ പിന്നെന്തോ വിചാരിച്ച്? അപ്പുറത്തെ മരക്കൊമ്പിലെ വേതാളിണിയുമായി ഇരുട്ടുവാക്കിനു നടത്തുന്ന പ്രവര്‍ത്തനമല്ലെടേ ഒളിപ്രവര്‍ത്തനം.
അല്ല അപ്പം ഈ വിപ്ലവം?
ബേസിക്സ് അറിയാവോ
അതെന്തര്?
തൊഴിലാളി വര്‍ഗ്ഗം മുതലാളി വര്‍ഗ്ഗം എന്ന ദ്വന്ദം. .
യൂ മീന്‍ ചൂക്ഷകരും ചൂക്ഷിതനും?
ഒലക്കേടെ മൂട്. ഒരു നാട പോലെ നീണ്ടു നിവര്‍ന്നു കിടക്കുന്ന കേരളത്തില്‍ വ്യവസായ വിപ്ലവം എന്നൊരു ഘട്ടം ഉണ്ടായിട്ടേയില്ല. അല്ലെങ്കില്‍ പടക്കക്കമ്പനികളിലെ തൊഴില്‍ സംസ്കാരം. കുറച്ചെങ്കിലും അടുത്തു നില്‍ക്കുന്നത് തോട്ടങ്ങളും ലയങ്ങളുമാണ്.
സോ?
അതു കൊണ്ട് തൊഴിലാളി എന്ന വര്‍ഗ്ഗം എകദേശം നോണ്‍ എക്സിസ്റ്റന്റാണ്.
അപ്പോ കൃഷി?
കേരളത്തില് കൃഷി നടന്ന രീതി കേട്ടു നോക്ക്?
കൈസേ?
കൃഷിപ്പണിക്കാരന്‍ അടിമപ്പണി ചെയ്ത് പാട്ട കുടിയാന്‍ കൃഷി ചെയ്യുന്നു. ലാഭം എന്ന ബൗദ്ധിക പ്രവര്‍ത്തനത്തിനു പകരം കാണിക്കയെന്ന കൈക്കൂലിയും വീതമെന്ന കൊള്ളയും
ങ്ങേ..
തന്നെടേ അന്നത്തെകാലത്ത് നോക്കുകൂലി റിവേഴ്സായിരുന്നു. പിഴച്ചാല്‍ ദൈവം മുതല്‍ രാജാവും ജന്മിയും വരെ കോപിക്കുന്ന ഒന്ന്. മനുഷ്യന്റടുത്തല്ലാതെ ദൈവം തമ്പുരാന്റടുത്ത് വിപ്ലവം നടക്കുവോ?
ങ്ങേ?
നടക്കൂല്ല. അടിമബോധം അസ്ഥീ വരെ പച്ചകുത്തിയ മലയാളിക്ക് റെബലിയന്‍ വരില്ല.
പിന്നിതെന്തോന്ന്?
ആദിവാസികള്‍ പാവങ്ങളാണ്. പറ്റിക്കാനെളുപ്പമാണ്. കുടിയേറ്റക്കാരു മുതല്‍ പാര്‍ട്ടിക്കാരും വിപ്ലവക്കാരുമടക്കം ജനമെല്ലാം പറ്റിക്കുന്ന ടീം.
അതിന്?
അവരെ തീറെടുക്കാനെളുപ്പമാണ്. ആടുതേക്കുമാഞ്ചിയ മലയാളിയെ വരെ വിരുതന്മാരു പറ്റിക്കുന്നു. പിന്നാ പാവം ആദിവാസിയെ.
അപ്പം.
ഡാ പുതിയ കാലത്ത് റെബലിയനും ഒരു ബ്രാന്റാണ്. വിപണിയും കുത്തകയും. എല്ലാവരും സ്വപ്നങ്ങള്‍ വില്‍ക്കുന്നു. അതിപ്പം വിപ്ലവമാണെങ്കിലും കാല്പനികമാണെങ്കിലും ആത്മീയമാണെങ്കിലും വയാഗ്രയാണെങ്കിലും.
എന്നു പറഞ്ഞാല്‍
ചോദ്യോത്തരപംക്തീടെ ഹോട്ട് സീറ്റിലിരിക്കാന്‍ ഞാന്‍ നെന്റടുത്തൂന്നു കാശു വാങ്ങീട്ടൊണ്ടോടേ ശവീ..
ഇല്ല
എന്നാ സ്ഥലം കാലിയാക്ക്. ഇന്നേക്ക് ഇതു പോതും
അപ്പം നാളേക്കു പാര്‍ക്കലാം വിക്രം സര്‍..
തിരുമ്പി സാറാ? അപ്പോ കൊമ്രേഡ്?
ആ പദവി ഈ വേതാള്‍ രാജി വെച്ചു വിക്രം സര്‍..



 



Read more »

Monday, May 4, 2015

വിവാഹബലാല്‍

എന്തോന്നെടേ വേതാള്‍ ഒരു വലിച്ചില്?
ഒന്നൂല്ല..
നിന്നെ ആര് പഞ്ഞിക്കിട്ട്? ഇരുട്ടടി?
നോ വിക്രം സര്‍, നോ..
പിന്നെ? അപ്പുറത്തെ മരക്കൊമ്പേലെ വേതാളിണി?
ങ്ങും..
അക്രമാസക്തി? റഫീ? ടഫീ?
സോര്‍ട്ട് ഓഫ്.. 
അപ്പുറം? ഒരു വേരിയേഷനിലാനന്ദലബ്ദിക്കു പകരം വലിയുന്നതെന്തരിന്
ഹംച്ചീ. സോറി..വിക്രം സര്‍. ഇതതല്ല. ഓര്‍ഗാസ്മിക് ലബ്ദിയല്ല.
പിന്നെ?
ഞാനൊരു വാര്‍ത്ത വായിച്ച്.. 
അതാന്നോ പ്രശ്നം?
അതു മാത്രമല്ല. അവളത് വായിച്ചതുമില്ല.
എന്തര് വാര്‍ത്ത വേതാള്‍? നാശവിനാശകാരിയായ ആ വാര‍്‍ത്ത ഏത്?
വിവാഹബലാല്‍സംഘം..
ഹഹഹഹ.
ചിരിക്കരുത് വിക്രം സര്‍. ചിരിക്കരുത്. പുണ്ണില്‍ ചിരി കൊണ്ടു കുത്തരുത്.
ഡേ, അവനവനോട് ഒരു ബഹുമാനമുണ്ടെങ്കിലേ മറ്റുള്ളവനോട് അതു തോന്നൂ. അതു തോന്നീല്ലേല്‍ ഇങ്ങനിരിക്കും. നിന്നെ ആ മരത്തേന്നു തള്ളിയിടാത്തതിലു ഒരു സ്തോത്രോം ചോല്ലി സ്ഥലം കാലിയാക്ക്...







Read more »

Monday, April 27, 2015

മൂന്നാം കണ്ണ്

ഗുഡ് മോണിങ്ങ് വിക്രം സര്‍...
ഗുഡ് മോണിങ്ങാണെന്നു ബോധ്യം വരാന്‍ പദരേണു തേടിയലഞ്ഞു കേട്ടോണ്ടിരിക്കുമ്പോള്‍ ശല്യപ്പെടുത്താതെടേ..
അതെന്ത് പാടല്‍ സര്‍, എന്തു രാഗം?
അവരത്തിലും അനവസരത്തിലുമുപയോഗിക്കുന്ന കൃഷ്ണന്‍നായര്‍ വചനം. കോഴിയും മുട്ടയും ഒരു പ്ലേറ്റ് കഴിക്ക്. അതിരുക്കട്ടും. ഉന്നുടെ മൂഞ്ചി മേലെ എന്തര്? ഫേസ് മാസ്ക്?
മൂന്നാം കണ്ണ് ഡവലെപ്പ് ചെയ്യുവാ സര്‍. മനക്കണ്ണിലൂടെ വായിക്കുന്ന വിദ്യ.
എന്ത് തലവര?
എന്നു വെച്ചാല്‍?
എന്തു മൊടക്കുണ്ടെടേ നെന്റെയീ കണ്ണു കെട്ടിയുള്ള അഭ്യാസത്തിനു..
അതിപ്പം.
വേണ്ട പറയണ്ട. നിനക്ക് വായിക്കാനായി ഒരു വാക്കെഴുതട്ടും. കാശു മുടക്കിയതിനു ഗുണമുണ്ടോന്നു നോക്കട്ടും.
അതെന്തു വാക്ക്.
അതപ്പുറം പേശിടലാം. ഡാ ഇക്കണ്ട കാറും ബൈക്കുമൊക്കെ ഇറങ്ങുന്നതിനു മുന്‍പ് റോഡ് കാഴ്ചകളുടെയും കൂടെയാരുന്നു.
എന്നു വെച്ചാല്‍
ലൊട്ടുലൊടുക്ക്, ആനമയിലൊട്ടകം, ചെറുകിടമാജിക്ക്
ഫോറെക്സാമ്പിള്‍.
ട്യൂബ് തലയ്ക്കടിച്ചു പൊട്ടിക്കുക, സൈക്കിള്‍ അഭ്യാസം. ഞാണിന്മേല്‍ കളി. കണ്ണു കെട്ടി ബൈക്കോടിക്കുക.
അപ്പടിയാ?
ആമാടാ..കഞ്ഞികുടിക്കാന്‍ കഷ്ടപ്പെടുന്ന പാവങ്ങള്‍. ഏറിയാ മൂന്നു നേരം ഭക്ഷണം കഴിക്കാന്‍ മാത്രം വരുമാനം..
ആമാം.
അതില്‍ കൂടുതല്‍ മാജിക്ക് കാണിക്കുന്നവര് ആള്‍ദൈവങ്ങളായി.
ങ്ങും..
അതിലും കൂടുതലു മാജിക്ക് കാണിച്ചവര് ആടുതേക്ക്മാഞ്ചിയവും ബ്ലേഡും വളര്‍ത്തി...
എന്നു വെച്ചാല്‍?
എല്ലായിടത്തേം ഉത്തമ സാധാരണ ഘടകം എന്തര്?
എന്ത്?
വല്ലവന്റേം പോക്കറ്റില്‍ കിടക്കുന്ന കാശ് സ്വന്തം പോക്കറ്റിലാക്കുന്ന ലളിത പ്രക്രിയക്കാണ് കച്ചവടം എന്നു പറയുന്നത്. ലൊട്ടുലൊടുക്കാണെങ്കിലും ആനമയിലൊട്ടകമാണെങ്കിലും. നീ കണ്ണു കെട്ടി മോട്ടോര്‍ സൈക്കിളോടിക്കുന്നത് കണ്ടിട്ടുണ്ടോ?
ഉണ്ട് ചെറുപ്പത്തിലെങ്ങാണ്ട്... വേതാളക്കാവിലെ ഉത്സവത്തിനു..
എന്നാ കണ്ണു തുറക്കാതെ ഈ തുണ്ടു കടലാസൊന്ന് വായീര്..
അത്..
എന്നാ കണ്ണു തുറന്നു വായിച്ചേച്ച് ഇന്നത്തേക്ക് നിഷ്ക്രമിക്ക്. ഇനഫ് തൊന്തരവ് ഫോര്‍ ദ ഡേ.
ങ്ങും..
നിന്നു പരുങ്ങാതൊച്ചത്തില്‍ വായിര്..
''വിഡ്ഡിക്കുശ്മാണ്ടം''
ഇനി അപ്രത്യക്ഷനാവ്.


Read more »

Tuesday, April 21, 2015

ശതമാനം

എന്തുവാടേ പമ്മിപത്തുങ്ങി നില്‍ക്കുന്നത്?
ഒന്നൂല്ല സര്‍, ഒന്നൂല്ല
എന്നാലും എന്തോ നിന്റെ മനസ്സിനെ മഥിക്കുന്നുണ്ട്. എനി മന്മഥ ലീല?
നോ സര്‍ നോ..
അതെന്ത് അപ്പറത്തെ കൊമ്പിലെ വേതാളിണി കണ്ണു കൊണ്ടു കടുകു വറക്കുന്നത് നിര്‍ത്തിയോ? നീലലോചനങ്ങളില്‍ സ്വപ്നമസ്തമിച്ചോ? 
വിക്രം സര്‍..അതല്ല. ഗണിതമാണ് പ്രശ്നം..
ങ്ങേ? നിന്നെ ആരാവാഹിച്ച്? ആവേശിച്ച്..
അല്ല സര്‍, ആ പരീക്ഷേടെ ശതമാനം.
അതാരുന്നോ?
ഇതിലും ഭേദം എല്ലാരേം ജയിപ്പിക്കുന്നതാരുന്നു. 
ഡായ് ഓഫ് ലേറ്റ് വിജയം ഒരക്കാഡമിക പ്രവര്‍ത്തനമല്ല. ഒരു സാമ്പത്തിക പ്രവര്‍ത്തനമാണ്.
ഹൌ കംസ് വിക്രം സര്‍, ഹൌ കംസ്?
കളയിക്കാവിള മുതല്‍ പാറശ്ശാലവരെ പരന്നു കിടക്കുന്ന പ്ലസ്സ് ടൂ സ്കൂളുകളുടെ എണ്ണം നിനക്കറിയോ?
ഇല്ല.
വേണ്ട, ഒരു മാനേജ്മെന്റ് പ്ലസ്സ് ടൂ സ്കൂളില്‍ അദ്ധ്യാപഹയന്‍ എന്ന പഹയനാവാന്‍ കൈമടക്ക് എത്രാന്നു നിനക്കറിയോ? 
ഇല്ല. 
പിള്ളേരു തികഞ്ഞില്ലെങ്കില്‍ ആ പഹയനെന്തു സംഭവിക്കുന്നു നിനക്കറിയോ?
അതറിയാം. പഹയന്‍ പുകയും. ജോലി പോവും, പിന്നെന്നെ പോലെ ഏതേലും മരക്കൊമ്പില്‍ തലേംകുത്തിതൂങ്ങിക്കിടക്കേണ്ടി വരും.
ഡാ വാഴ വെക്കുന്നത് സാമ്പത്തിക പ്രവര്‍ത്തനമാണെന്ന് കേട്ടിട്ടൊണ്ടോടേ?
ഇല്ല.
ചിത്രശലഭത്തിന്റെ ചിറകടിയില്‍ സുനാമി ഒളിഞ്ഞിരിക്കുന്നുവെന്നും?
ഹംച്ചീ..അതുക്കും പരൂക്ഷയ്ക്കുമെന്ത്?
നാടു നീളെക്കിടക്കുന്ന സ്വാശ്രയത്തില്‍ സീറ്റിലിച്ചരിക്കാന്‍ തുടങ്ങീട്ടു കാലമേറെയായി. ഈച്ചേയൊടിക്കാന്‍ പിള്ളേരെവിടുന്നു വരണം?
പ്ലസ്സ് ടൂ കഴിഞ്ഞ്. അപ്പം സര്‍ക്കാര് സ്ഥാപനം?
കുടുംബത്ത് കഞ്ഞികുടിക്കാന്‍ വകയുള്ളവന്‍ വല്ലോം സര്‍ക്കാരു ഫീസു കൊടുക്കുന്നിടത്തു പോവൂല്ലെടേ. അവന്റെ ഈഗോയും വാനിറ്റിയും അതു സമ്മതിക്കൂല്ല. ഗള്‍ഫുതമ്പുരാന്‍മാരും തിരിമറീം സഹായിച്ച് നാട്ടിലു കയ്യില്‍ കായില്ലാത്തവന്‍ കുറയും. വല്ല തുണിക്കടേലും തപ്പണം.
അപ്പം...
അപ്പവും കുപ്പവുമൊന്നുമല്ലെടേ. നാലു കാശ് സ്ത്രീധനം വാങ്ങുന്നതും വീടും വീതവും വാങ്ങുന്നതുമടക്കമുള്ള നിക്ഷേപം കൂടാ സ്വാശ്രയം. മറ്റൊരു സാമ്പത്തിക പ്രവര്‍ത്തനം..
ങ്ങേ?
നീ നേരത്തെ പറഞ്ഞ വാഴേം ശലഭത്തേം കൂട്ടി വായിച്ചാ പ്രശ്നം തീരും..
അപ്പം വിദ്യാഭ്യാസം.
പല അഭ്യാസത്തിലൊരഭ്യാസം. പക്ഷേ
എന്താണു പക്ഷേ?
പണ്ടു ഒരു ഗതീംപരഗതീമില്ലാത്ത മലയാളിക്ക് നാലക്ഷരം ഒരു രക്ഷാമാര്‍ഗ്ഗമാരുന്നു. ഇനി വന്ന കാലത്ത് ആ വഴിയില്ലാതെ പെരുവഴിയാവും.
ക്യോം വിക്രം സാര്‍ ക്യോം..
പഠിപ്പിച്ചും ജയിപ്പിച്ചും സമരിച്ചുമെല്ലാം കൂടെ ഈ പെണ്ണരശ്ശുനാട്ടീന്നു കയറ്റുമതി ചെയ്തോണ്ടിരുന്ന സാധനത്തിന്റെ ക്വാളിറ്റിയങ്ങു പോയി..സര്‍വത്രമായം.
ങ്ങേ.
ഡാ ഒരു വിപണിയാവുമ്പോ അവര്‍ക്കു മുടക്കുന്ന കാശിനു റിട്ടേണ്‍ വേണം. ക്വാളിറ്റിയെവിടുണ്ടോ അങ്ങോട്ടു ജനം പോവും. പിന്നല്ലേ എച്ചാറും റിക്രൂട്ട്മെന്റും.... പത്തു രൂപ മുടക്കി ചായകുടിക്കുന്നവന് വാട്ടവെള്ളം കലക്കിക്കൊടുത്താ ഗതിയെന്താവും?  അവരും പോവും..
അപ്പോ?
എളുപ്പവഴീക്രിയ ചെയ്യുന്നത് മാത്രം ഗണിതത്തീന്നു പഠിച്ചാലങ്ങനെ കുഴപ്പങ്ങളൊക്കെയുണ്ട്. അല്ലെങ്കിലേ കേരളത്തിനകത്തു പഠിച്ചുവളര്‍ന്നവരു, കൂടെ മാറാപ്പു പോലെ കൊണ്ടു നടക്കുന്നത് കുടഞ്ഞു കളയാതെ പൊതുവേ പ്രോഗ്രഷന്റെ ചാര്‍ട്ടു കാണാറില്ല.
ങ്ങേ?
വലിയ സ്ക്രീനുകളിലെ ഗെയിമുകളില്‍ മലയാളി സാന്നിധ്യം പൊതുവേ കുറവാടേ. സ്വാതന്ത്ര്യം മുതലിങ്ങോട്ടുള്ള രാഷ്ട്രീയമെടുത്ത് നോക്ക്. ബിസ്സിനസ്സെടുത്തു നോക്ക്.  ദല്‍ഹിയില്‍ ലൊട്ടുലൊടുക്കു പരിപാടികളല്ലാതെ നേരെ ചൊവ്വെ ക്ലച്ചു പിടിച്ചവരുടെ എണ്ണമെടുത്ത് നോക്ക്. വിരലിലെണ്ണാവുന്നവരൊഴിച്ചാല്‍ എന്താണ് കഥ?
അപ്പം
മലയാളിയെ ജനം വിലവെച്ചത് വിദ്യാഭ്യാസത്തിലാരുന്നു. അറിവിലാരുന്നു. ഈ വന്ന ഗൂഗിള്‍ കാലത്ത് മലയാളത്താന്, അതും പാതിവെന്ത കലത്തിലെ എന്തിനോ വേണ്ടി തിളയ്ക്കുന്ന സാമ്പാറിനു വലിയ സ്കോപ്പില്ല. 
അപ്പം പരീക്ഷ, ശതമാനം...
വരപ്പോന്ന ആ കാലത്തിന്റെ, ശലഭത്തിന്റെ ചിറകടി.  
ബൈ ദ ബൈ ഇന്നത്തെ നിന്റെ ടൈം കഴിഞ്ഞ്. 
അപ്പം ഞാനങ്ങട്..
ബൈ ദ ബൈ നാളെ വരുമ്പോ നെന്റെ പത്താം ക്ലാസ്സിലെ പാസ്സായ പൊത്തകം കൂടെടുത്തോ. 
അതെന്തരിനു സര്‍..
ഇത്രേം പറഞ്ഞതല്ലേ മോനേ വേതാളമേ. മരക്കൊമ്പില്‍ മറിമായമില്ലെന്നെന്തരു ഗ്യാരണ്ടി. വേറെ വേതാളത്തെ തപ്പണോന്നറിയാനാണ്....
സര്‍ര്‍‍...
അപ്പം സ്ഥലം കാലിയാക്ക്.
ഞാനന്തരിച്ചു. 
ഇവിടുന്നു വേണ്ട കൊമ്പേ ചെന്നിട്ടു മതി.





Read more »

Thursday, April 9, 2015

അനുഷ്ടാനം

ഗുഡ്മോണിങ്ങ് സര്‍..
വിവരം കെട്ടവനേ. വേതാളമേ..
ങ്ങേ? ഗുഡ് മോണിങ്ങ് പറയുമ്പം തിരിച്ചും ഗുഡ്മോണിങ്ങ് പറയണം. അല്ലാതെ ചീത്തവിളി കൂടു തുറന്നു വിടുവല്ല വിക്രം സര്‍
തലേംകുത്തിക്കിടന്നിട്ടും തലയ്ക്കകത്താള്‍താമസമില്ലാത്തവനേ.. ഇന്ത്യന്‍ ടൈം സോണില്‍ ഇംഗ്ലണ്ടില്‍ കിടക്കുന്നവനോട് ഗുഡ്മോണിങ്ങ് പറയുന്നവനെ തൊട്ടാല്‍ കുളിക്കണം.
അതിപ്പം.
എന്തുവാടേ പ്രശ്നം..
ഒന്നൂല്ല.
ഒന്നൂല്ലത്താത് ഒരു പ്രശ്നമല്ലെടേ..
ങ്ങേ? അതല്ല..
പിന്നേത്?
ഹര്‍ത്താല്..
ഹര്‍ത്താലിനെന്തരെടേ? കേരളത്തിലെ അനുഷ്ടാനകല, തനതു കലാരൂപം ഇത്തവണേം പതിവു പോലെ കള്ളും കോഴിയും ചീട്ടുകളിയുമായി കൊണ്ടാടിയില്ലേ?
കൊണ്ടും കൊള്ളാതെയുമാടി..
പിന്നെന്തോന്ന് വൈക്ലബ്യം?
അതല്ല, ഈ നേതാക്കന്മാര്‍ക്ക് ഹര്‍ത്താലു വരൂല്ലേ?
ഡാ പോസ്റ്റ് ഓഫീസിനു മുന്നില്‍ നോ അഡ്മിഷനെന്നെഴുതി വെച്ചേക്കുന്നത് പോസ്റ്റ് മാസ്റ്റര്‍ക്ക് ബാധകമാണോ?
അതല്ല.എന്നാലും?
പറയുന്നതെല്ലാം ചെയ്യുന്നൊരാളെ തിരഞ്ഞു ഞാന്‍ കുഴഞ്ഞ് എന്നൊരു ഗാനശകലം നീ കേട്ടിട്ടൊണ്ടോ?
ഉണ്ടേല്‍?
കിത്താബിലെ രാഷ്ട്രീയമല്ല പ്രായോഗിക രാഷ്ട്രീയം. ബൂത്തു തലം മുതല്‍ ജനത്തെയും അവരുടെ ഹിതത്തെയും മാനിപ്പുലേറ്റ് ചെയ്യണമെങ്കില്‍ ചില്ലറ മെനക്കേടു പോര.
അപ്പം ഈ ഹര്‍ത്താല് ഹര്‍ത്താലെന്നു പറയുന്നത്?
വര്‍ഗ്ഗ ബോധം തലയ്ക്കു പിടിക്കാതെ, ബുദ്ധിയുള്ള മനുഷ്യരു ചിന്തിക്കുന്നതു പോലെ ചിന്തിക്ക്. ഒരു ഏകാധിപത്യത്തില്‍ എന്താണ് സംഭവിക്കുന്നത്?
ക്യാ?
ഡാ മോളീന്നു നൂലേക്കെട്ടി കല്ലേ പിളര്‍ക്കുന്ന കല്പനകള്‍ വരുന്ന്. അനുസരിക്കുകയല്ലാതെ ജനത്തിനു മാര്‍ഗ്ഗമൊന്നുമില്ല.
ആമാം.
ഹര്‍ത്താലിലെന്താണ് സംഭവിക്കുന്നത്?
പ്രതിഷേധം?
മൈ ഫൂട്ട്.  നേരത്തെ പറഞ്ഞ  പോലെ നൂലേക്കെട്ടി ഹര്‍ത്താല്‍ കല്പന വരുന്നു.  ഇടതും വലതും തെക്കും പടിഞ്ഞാറുമായ ഏതേലും പാര്‍ട്ടി ഹര്‍ത്താലിനാഹ്വാനം ചെയ്യുുന്നു. ജനം കള്ളും കോഴീം വാങ്ങി വീടു പിടിക്കുന്നു. ചീട്ടു കളിക്കുന്നു.  ഹര്‍ത്താല്‍ സെല്‍ഫി എടുത്ത് അര്‍മാദിക്കുന്നു. ഫേസ്ബുക്കില്‍ പൂശുന്നു. അയല്‍പക്ക ബന്ധങ്ങള്‍ ശക്തിപ്പെടുത്തുന്നു. ഇതിനകത്തെവിടാണു വേതാള്‍ പ്രതിഷേധം?
അപ്പം ഹര്‍ത്താല്?
കേരളത്തിലെ പുതിയ തൊഴിലാളി വര്‍ഗ്ഗത്തിനു സര്‍ക്കാരുദ്യോഗസ്ഥനു ചിലവില്ലാതെ കിട്ടുന്ന അവധി.
അപ്പോ അവകാശങ്ങള്‍?
പ്രശ്നങ്ങള്‍ രാഷ്ട്രീയത്തിലെ തുടര്‍ക്കഥയാണനിയാ. കുറച്ചവകാശങ്ങള്‍ക്കു വേണ്ടി കുറേ ആളുകളുടെ സഞ്ചാരസ്വാതന്ത്ര്യമടക്കമുള്ള അവകാശങ്ങള്‍ നഷ്ടപ്പെടുത്തുന്നത്, ഹര്‍ത്താലടിച്ചേല്‍പ്പിക്കുന്നത് മറ്റൊരു രൂപത്തിലുള്ള ഫാസിസം തന്നാണ്.
അപ്പോ?
അപ്പോന്നൂല്ലെടേ. ലോകത്ത് വേറെവിടെ ആഹ്വാനിച്ചാലും തല്ലു കിട്ടുന്ന പീസാണ് ഈ ഹര്‍ത്താല്‍.
ങ്ങേ?
തന്നെടാ തന്നെ. നാട്ടീന്നു തിരിച്ചു വരുമ്പോ ഫ്ലൈറ്റ് ലേറ്റായി. ബോംബെ എയര്‍പോര്‍ട്ടിലു നാട്ടുകാരന്‍ സ്വാകാര്യ എയര്‍ലൈന്‍സിന്റെ നെഞ്ചത്ത് പൊങ്കാലയിട്ടു. പകരം കിട്ടിയ ഫ്ലൈറ്റ് അബുദാബീലെത്തിയപ്പോഴവിടേം താമസം.
എന്നിട്ട്?
അതേ നാട്ടുകാരന്‍ ഒരു വാക്കു പോലും അബ്യൂസാവാതിരിക്കാന്‍ ശ്രദ്ധിച്ച്, മാന്യമായി കാര്യം തിരക്കുന്നു.
ങ്ങേ?
ഡാ വചനം മാത്രമല്ല, സമരവും സാംസ്കാരികവും വ്യക്തിപരവും അല്ലാത്തതുമൊക്കെയായ സംസ്കാരത്തിനു ചേര്‍ന്നതാരിക്കും. അപരനു കൊടുക്കുന്ന വിലയുടെ പ്രശ്നം കൂടെ അതിലുണ്ട്.
അപ്പോ?
കൊച്ചുപിള്ളേര്‍ക്കിന്നിതു മതി. നീ പോയേച്ചും നാളെ രാവിലെ വാ. മനുഷ്യന്റെ ഉറക്കം മിനക്കെടുത്താന്‍.. ഡാ ഒരു ഹര്‍ത്താലാവുമ്പോ വിളിച്ചു പറഞ്ഞാലേ ഫലം കിട്ടു.
അതല്ല.
ചല്‍. സ്ഥലം കാലിയാക്ക്..




Read more »

Thursday, January 8, 2015

സ്ഥലകാലം

ഗുഡ് മോണിങ്ങ് സര്..
സര്..
സര്..
എന്തോന്നെടേ പിശാശേ കിടന്നു ലേലം വിളിക്കുന്നത്...
ആം സോറി വിക്രം സര്. പാരീസ് മറന്നു.
ഉം..
ഹൌ? വൈ? എന്തുകൊണ്ടാണ് വിക്രം സര്‍ ഈ ലോകം ഇങ്ങനെ?
നീയെന്തോന്ന് ബുദ്ധനു പഠിക്കുന്നോ? മരക്കൊമ്പും അപ്പറത്തെ മരക്കൊമ്പിലെ അമ്മിണി വേതാളിണിയേം പിന്നെ നിന്റെ ഫുലാജ് മദാലസ വേതാളിണിയേം വിട്ടേച്ച് നീ വനവാസത്തിനും സന്യാസത്തിനും പോവുവാന്നോ?
ങ്ങേ? ഇതെങ്ങനെ ഇവിടറിഞ്ഞു?
ഡാ, ബന്ധങ്ങളു വെറും ഫുലാജും അരമണിക്കൂറിലെ തിളപ്പും മാത്രമല്ല വൈകാരികവും സമയപരവുമായ നിക്ഷേപമാണ്. മുടക്കുമുതലേലും തിരികെ കിട്ടീല്ലേ മുതുപാഴ്..  കാലും കൊണ്ടു ചിത്രം വരയ്ക്കാതെ ഇബ്ടെ നോക്കെടാ...
അതല്ല വിക്രം സാര്‍, പാരീസ്..മതങ്ങള്‍..
മതങ്ങള്‍ നിലനില്ക്കുന്നതു തന്നെ അവനവന്‍ മാത്രം ശരിയും ബാക്കിയുളളവരെല്ലാം തെറ്റുമെന്ന പൗരാണിക ഗോത്ര സ്വഭാവമുള്ള യുക്തിയിലാണ്.
ങ്ങേ?
അന്യോനം പടവെട്ടിയും പോരാടിയും വെട്ടിപ്പിടിച്ചും മാത്രം ജീവിക്കാന്‍ പറ്റുന്ന കാലത്താണ് മതങ്ങളൊക്കെ രൂപപ്പെടുന്നത്.. സ്വാഭാവികമായും മതങ്ങള്ക്കു പുറത്തുളളതെല്ലാം അന്യവത്കരിക്കപ്പെട്ടതും ശത്രുപക്ഷത്തുമുള്ളതായി. അകറ്റിനിര്‍ത്തേണ്ടതും വെറുക്കേണ്ടതുമായി..കാലം പോയതു ഇന്നും മതങ്ങളറിഞ്ഞിട്ടില്ല.
ഹൗ കംസ്?
ആധുനിക ബഹുസ്വരസമൂഹങ്ങളിലെ സഹവര്‍ത്തിത്വം മതങ്ങള്‍ എന്ന ഗോത്രകാല  വിദ്വേഷങ്ങള്‍ക്കെതിരാണ്. അടിസ്ഥാനപരം.
അപ്പം ആത്മീയത?
ഡാ, ആത്മീയതയും മതവുമായി വല്യബന്ധമൊന്നുമില്ല. സ്ഥിതപ്രജ്ഞന്, ബോധോദയം ലഭിച്ചില്ലേലും തലയ്ക്കു വെളിവു ലഭിച്ചവന്, മതമേതായാലും എല്ലാം ഇന്ദ്രിയബദ്ധമായ മായയും ലീലയും ഒക്കെയാണ്. ആത്മീയാന്വേഷണം നൂറായിരം പേര് റോഡു നിറഞ്ഞു നടത്തുന്ന യാത്രയല്ല. ഗോത്രസ്വഭാവമായ വെല്ലുവിളിയും ആക്രമണവുമില്ല. അഗാധവും ഗാഡവുമായ  വ്യക്തിതലത്തില്‍ മാത്രം നടത്താന്‍ പറ്റുന്ന ഒന്നാണ്. അതുകൊണ്ടു തന്നെ സംഭവിച്ചു പോയ ഒരാകസ്മികത, അല്ലെങ്കില്‍ പരിചയമുള്ള രീതികള്‍ എന്നതിനപ്പുറം മതം അപ്രസക്തമായ ഒരുപാധി മാത്രമാണ്.
അപ്പോ..
ഡാ നീഷെ പറഞ്ഞതാണ് സത്യം?
എന്തോ പറഞ്ഞ്?
ചരിത്രം ഒരു കാര്യത്തിന്റെ തന്നെ ആവര്‍ത്തനമാണെന്ന്. പക്ഷെ ആധുനിക സാമൂഹിക പശ്ചാത്തലത്തിലല്ലെന്നു മാത്രം.
പിന്നെ?
ഓരോ കാലത്തും ഓരോ സംസ്കാരങ്ങളുണ്ടായിരുന്നു. സ്വയമോ അല്ലാതെയോ നശിപ്പിക്കപ്പെട്ടു പോകുന്ന ഗോത്രഘടനയുള്ളവര്‍. പരസ്പരമുള്ള അക്രമാസക്തി. ഇന്നത്തെ കാലത്ത് നശീകരണശക്തി കൂടുതലാണെന്നു മാത്രമാണ്.  അവശേഷിക്കുന്നവരെ പ്രകൃതിദുരന്തങ്ങളും കൊണ്ടുപോയി. നിശ്ചിതമല്ലാത്ത ആവര്‍ത്തനങ്ങള്‍.. കുറച്ചു കൂടി കടന്നു ചിന്തിച്ചാല്‍...
ചിന്തിച്ചാല്‍..
കോടാനുകോടിവര്‍ഷങ്ങളായി ഈ ഗ്രഹത്തിലെ ജീവല്‍രൂപങ്ങളെല്ലാം ആകസ്മികതയാണ്. പിറവിയുമൊടുക്കവുമടക്കം, ഏതോ സ്ക്രിപ്റ്റ്.. പല ഇന്ദ്രിയങ്ങളിലെ പല തോന്നലുകള്‌‍. എല്ലാം കാലമെന്ന മഹാപ്രവാഹത്തിലെ മൈക്രോസ്കോപ്പിക് പോലുമല്ലാത്ത കണികകള്‍. അനതിവിദൂര നാളെകളിലെന്നെങ്കിലും അല്ലെങ്കില്‍ ഇപ്പോള്‍ തന്നെ സ്ഥലരാശികളിലെവിടെയോ മറ്റേതൊക്കെയോ ഇന്ദ്രിയങ്ങളിലെ തോന്നലുകളുണ്ടാകാം.
എന്നു പറഞ്ഞാല്‍
ഡാ സ്ഥലത്തേം കാലത്തേം അവനവന്റെ പരിമിതഇന്ദ്രിയങ്ങളിലൊതുക്കാന്‍ ശ്രമിച്ചു നിരന്തരം പരാജയപ്പെടുന്നവനാണ് മനുഷ്യന്‍. അവന്റെ അതീതം ശിവകാശി വര്‍ണ്ണചിത്ര ഫാന്റസിയല്ല. അപരിമിതമായ സ്ഥലകാലങ്ങളും യാത്രകളുമാണ്..
യു ആര്‍ ഹൈ, സ്പിരിച്വലി ഹൈ..
ലെറ്റിറ്റ് ബീ. ടില്‍ മൈ ഫസ്റ്റ് വീക്കെന്‍ഡ് പെഗ്ഗ്. നിന്റം തലേം കുത്തിക്കിടക്കുന്ന വേതളത്തലേല്‍ സ്ഥലോം കാലോം കയറിയാലുമില്ലേലും ഇച്ചിരി വെളിച്ചം കയറിയാ നിനക്കു കൊള്ളാം. പോയി നെന്റെ മദ്യവയസ്കരയുടെ അളവെട്. ലെറ്റ് മീ തിങ്ക് സംമോര്‍...
അത്.
ഓടെടാ..



Read more »