Wednesday, July 30, 2014

തലമുറ

ശ്ശൊ ഹെന്നാലും
എന്തോന്നെടേ രാവിലെ നാട്ടിമ്പുറത്തമ്മച്ചിമാരെ പോലെ കഷ്ടം വെക്കുന്നത്?
അല്ല ഈ പിള്ളേരുടെ ഒരു കാര്യം..
കാര്‍ന്നോരു കളിക്കാതെ കാര്യം പറയ വേതാളമണ്ഡൂകമേ..
അല്ല, പിള്ളേരു മൊത്തം പാര്‍ട്ടീം ഡാന്‍സും പാട്ടും കൂത്തുമാന്ന്...
അതിനു നെനക്കെന്ത്? പിള്ളേരു പിള്ളേരുടെ ജീവിതം..
അല്ല ഈ പാട്ടും കൂത്തും
കള്ള ഹിമാറെ അസൂയപ്പെരുമാളെ, കുശുമ്പു വേതാളമേ.. ഓരോ കാലത്തും ഓരോ കൗമാരം ഓരോ യൗവ്വനം. കാലമേതാണാലേും പോക്കറ്റില്‍ കായോണ്ടേലും ഇല്ലേലും കൗമാരം കൗമാരമാണ്.
എന്നാലും ഇതൊക്കെ ശരിയാണോ?
ഹെന്തോന്ന് ശരിയാണോന്ന്.. ഡാ, തിരുട്ടുമുണ്ഡ്രം വേതാള്‍.. ലേഡീസ് ഹോസ്റ്റലിന്റെ മുന്നിലെ മരക്കൊമ്പേ ചേക്കേറിയപ്പോ കൊമ്പൊടിഞ്ഞു താഴത്തു വീണതാര്?
ഹും. ഈ പാവം ഞാന്‍
ഇബ്ടെ നോക്കെടേ.. ദാ ഇവിടെ. അതിനും ഒരു തലമുറ മുമ്പ് റബ്ബര്‍മരച്ഛായയില്‍ അയല്‍പക്കത്തെപുല്‍മേട്ടിലാടു മേച്ചോണ്ടിരുന്നതാര്?
ജീവിച്ചിരിക്കുന്ന കാര്‍ന്നോന്മാരെ പറയല്ല്, വിക്രമാന്നും സാറാന്നും നോക്കുല്ല, ഇടിച്ചു പിരുത്ത് പേസ്റ്റാക്കിക്കളയും..
അടങ്ങ് വേതാള്‍ അടങ്ങ്. ഒരൊറ്റ ചോദ്യം കൂടി..
ങ്ങേ, അതെന്തത്?
ഡാ, പലകപോലുള്ള കൂളിംഗ് ഗ്ലാസ്സുമിട്ട്, നെന്റെ മരക്കൊമ്പേ തൂങ്ങുന്ന ഫോട്ടോയാരുടേത്? കോന്‍?
വേതാള്‍ ഫാദര്‍ അന്‍ഡ് വേതാള്‍ മദര്‍..
വെന്യൂ?
കടുത്ത പ്രേമം തുടരനും ഒളിച്ചോട്ടത്തിനും അനന്തരം ഊട്ടിയിലെ മരക്കൊമ്പിലെ മധുവിധു... ഇനീമൊണ്ടോ ചോദ്യം?
ഇനീം ചോദിക്കണോ, വേണേ നിന്റെ മരക്കൊമ്പിനപ്പുറത്താലേല്‍ സമാധിയായ വല്യകാര്‍ന്നോന്മാരുടെ ലീലാവിലാസം ഓരോ പ്ലേറ്റെടുക്കാം.
വേണ്ടേ... ഇതാ ഞാനൊന്നും പറയാത്തത് ചത്തു പോയോരെ കൂടെ തെറി വിളിക്കും..
എന്നാ നെന്നെ പറയാം പിശാശേ... ഇവിടുന്നു രാവിലെ തിരിച്ചു പോവുമ്പോ അപ്പറത്തെ അമ്മച്ചീടെ വീട്ടിലെ മരക്കൊമ്പേ കിടക്കുന്ന സുന്ദരി വേതാളത്തോട് നീ ആംഗ്യഭാഷേ ചോദിക്കുന്നത്, ഒരു ഹൃദയം ഫ്രീയാണ് എടുക്കട്ടേന്നല്ലേ? അല്ലാതെ സദാചാരശതകമൊന്നുമല്ലല്ല്.. 
ഞാനിവിടില്ല. ഞാനിനി വരുവേമില്ല..
നീ ഉണ്ടേലുമില്ലേലും നിന്റെയൊക്കെ അസുഖമെന്താന്നറിയോ..
ഇല്ല..
ഒന്ന് വാര്‍ദ്ധക്യസഹജ അവശതേം അസൂയേം. രണ്ടു ഉണ്ടേച്ചു വറ്റെല്ലിനെടേ കുത്തിക്കഴയ്ക്കുന്നു.
ങ്ങേ..
പോയി നെന്റെ മരത്തേ തൂങ്ങെടേ വേതാള്‍.. അവന്‍ പിള്ളേരെ ഉദ്ധരിക്കാന്‍ നടക്കുന്ന്..
ഞ.. ഞ..
നിന്നു വിക്കാതെ, ഇന്നൊരു ചേഞ്ചിനു നീ വല്ല മുള്ളു മുരുക്കേലും തൂങ്ങ്, അത്രേം ശമനം കിട്ടും.

0 comments:

Post a Comment