Wednesday, July 27, 2011

എന്‍റെയല്ല എന്‍റെയല്ലീ കൊമ്പനാനകള്‍

സാര്‍...
യെസ് മി. വേതാള്‍ ബോലിയേ
ങ്ങേ? ഇന്നു ചീത്തവിളിക്കുന്നില്ലേ..
നോപ്. ഇന്നൊരു ചേഞ്ച്. 
അപ്പോ ധൈര്യമായിട്ടു സംശയം ചോദിക്കട്ടും സര്‍ വിക്ര്?
ചോദിക്ക്. 
ഇതെന്തോന്ന് സര്‍ വീടിന്‍റെ പുറകിലൊരു തട്ടും മുട്ടും..
അവിടെ പണ്ടൊരു വീടുണ്ടാരുന്നു. അതിടിച്ച് അപ്പാര്‍ട്ടുമെന്‍റ് കെട്ടുവല്ലേ?
ഒന്നാം നിലേലെന്തോന്ന് അടുപ്പും കഞ്ഞീം തൊട്ടിലും ?
ബീഹാറീന്നോ ഒറീസ്സേന്നോ വന്ന് ചില്ലറക്കാശിനു പണിയെടുക്കന്നവര്‍ക്ക് ഫൈവ് സ്റ്റാറു പറ്റൂല്ലെടേ..
ങ്ങേ.. അപ്പോ വീടിന്‍റെ പാലു കാച്ച്? ഇവരിങ്ങനെ കഞ്ഞിവെച്ചുകുടിച്ചാല്‍ പിന്നെന്തോന്നിന് പാലുകാച്ചുന്നു?
പാലുകാച്ചിനേക്കാള്‍ വലുതല്ലേ തലതിരിഞ്‍ഞവനേ കഞ്ഞികുടി. ലെറ്റ് ദെം..
അപ്പോ?
പണികഴിയുമ്പോ അവരു കഞ്ഞിപ്പാത്രോം ചുമന്നടുത്ത വീടിനിഷ്ടികയടുക്കാന്‍ പോവും. അവരുടെയല്ല അവരുടെയല്ലീ കൊമ്പനാനകള്‍...
അപ്പോ വീട്?
.ഓരോ ഫ്ലാറ്റിനും ഒന്നും രണ്ടും കോടിക്ക് ജനം വാങ്ങും. അതിനകത്ത് സ്റ്റാറ്റസ് സിംബലുകള്‍ നിറയ്ക്കും. കഞ്ഞിപാത്രം പുകഞ്ഞിടത്ത് മൈക്രോവേവ് എരിയും. പഴയ പുകക്കരി പോലും കാണാത്ത വിധം പെയിന്‍റില്‍ നിറയ്ക്കും. ലെതര്‍കൌച്ചിലിരുന്നു ടിവി കാണും. ബാര്‍ കൌണ്ടറില്‍ വെള്ളമടിക്കും. കിച്ചന്‍ ഡൈനിങ്ങില്‍ ഘോഷെന്നമ്പരപ്പെട്ട് ശബ്ദം പുറത്ത് കേക്കാതെ ഭക്ഷണം കഴിക്കും
അതൊരു ലൈഫ് സ്റ്റൈലല്ലേ?
ആമാംഡാ. എന്നിട്ടവര് കഞ്ഞികുടിക്കുന്ന കഞ്ഞി ഏഴകളു ചെയ്യുന്നതു തന്നെ ചെയ്യും. ഇവരു തട്ടിക്കൂട്ടു പുരേ ചെയ്യുന്നത് അവര് കാശുപുളയ്ക്കുന്ന ഇന്‍റീരിയറില്‍ ചെയ്യും
എന്തോന്ന്?
ഡാ ഫൂള്‍ അപ്പിയിടുന്നത്.
അപ്പോ
ആത്യന്തികസത്യം ഒന്നേയുള്ളെടേ.. 
ങ്ങേ അപ്പോ കൊമ്പനാനകളവരുടേതുമല്ലേ?
തെരിയത് വേതാള്‍. അവ്വളവ് തെരിഞ്ചാ ഞാനാര്. നീ പോയി ഒരു കാപ്പി കൊണ്ടുവാ...
അപ്പോ ഇന്നത്തെ തെറി..
അതുകൂടെ ചേര്‍ത്ത് നാളെ വിളിച്ചോളാം. ഇപ്പോ സ്ഥലം കാലിയാക്ക്

0 comments:

Post a Comment