Tuesday, April 17, 2018

ഐശ്വര്യം

സർർർർർർർർർർർർ
എന്തുവാടേ വേതാൾ കൊച്ചുവെളുപ്പാൻകാലത്ത് ബഷീറിനറെ കഥ റൈം ചെയ്യുന്നത്?
ഹേതു കഥ?
ഫർർർർർർർർ
അതല്ല സർ.
ഏതല്ല.
നിൻറെ കയ്യിലും കഴുത്തേലുമൊക്കെയെന്തോന്നെടേ ഒരു തിളക്കം?
അത് പിന്നെ.
ബോൽ അക്ഷയ ത്രിതീയായിക്കോണ്ട്..
അപ്പറത്തെ മരക്കൊമ്പിലെ മദാസലയ്ക്ക് സ്വർണ്ണം വാങ്ങാൻ, അല്ലെടേ മരക്കൊമ്പിലരി വറക്കുന്ന വേതാളപുഷ്പമേ..
ആന്ന്
ഡാ. ഡാ നാണിക്കാതെ, ഇങ്കപ്പാര് എന്തോ ഒക്കെ വാങ്ങി?
അതു പിന്നെ
ശൊല്ലെടേ
മുക്കുത്തിയൊന്ന്, അരഞ്ഞാണമൊന്ന്, പാദസ്വരമൊന്ന്.
ഉന്നുടെ ഐഡിയാവാ?
അല്ല അവങ്കളുടെ..
ടേസ്റ്റ് പറവൈയില്ലൈ. നിമ്മതിയാ മരക്കൊമ്പൊടിച്ച് പുറം വിലങ്ങ്.
അതല്ല സർ..
പിന്നെ ഏത്?
സ്വർണ്ണം വാങ്ങിയാ ഐശ്വര്യം വരുമാ സർ?
പിന്നെ വരൂല്ലേ. എപ്പം വന്നെന്നു ചോദിച്ചാ മതി വേതാളകുശ്മാണ്ടമേ..
ങ്ങേ.
കണ്ടാലറിയാത്തവൻ കൊണ്ടാലറിയണം. കേട്ടാ മനസ്സിലാവാത്തവൻ എഴുതി മനസ്സിലാക്കണം. പേപ്പറും പേനേമെടു സ്വർണ്ണപ്പിശാശേ
എടുത്ത്
പവനൊന്നിൻറെ വില എഴുത്
എഴുതി
പണിക്കൂലി കുന്തം കുടച്ചക്രം ഒരു നാലായിരം അയ്യായിരം അതീന്നു കുറയ്ക്ക്.
കുറച്ച്
ഇനി ഇന്നത്തെ വിലയ്ക്കു വിൽക്കാൻ കൊണ്ടു ചെല്ലുമ്പോ പണിക്കുറവ് കുറയ്ക്ക്..
കിതനാ.
വലിയ അലങ്കാരമില്ലാത്ത മോതിരമോ വല്ലോമാണേൽ വലിയ തട്ടുകേടില്ലാതെ രക്ഷ പെടും. അലങ്കാരം കൂടും തോരും അരക്കും കൂടും. എന്നാലും ഒരു മൂവായിരം കുറ. മിഡ് പോയിൻറ്.
കുറച്ച്
ഐശ്വര്യത്തിനു ഇരുപത്തിയയ്യായിരം വീശിയപ്പോ ആകെ കുറവെത്ര?
ഏതാണ്ട് എണ്ണായിരം
ഐശ്വര്യം വന്നില്ലേ.. ജ്വല്ലറിക്കാരനു ലാഭവും.
ഹംമ്ചീ..
ഡാ. സാമ്പത്തിക നഷ്ടം മറന്നാ ഇന്നത്തെ ഗ്രഹനിലേൽ നിനക്കാനന്ദത്തിനു വകുപ്പുണ്ട്. 
നിന്നു മോങ്ങാതെ മരക്കൊമ്പിലേക്കോട്, മുക്കുത്തീം അരഞ്ഞാണോം പാദസരോമിട്ടു തെളിഞ്ഞു നിക്കുന്ന ആനന്ദത്തിൽ അന്തപ്പുരത്തിൻ മഹറാണീ പാട്. എൺ കോൽ വിസ്താരാഡ്യം നടനടുവിലുല്ലസിക്കും കവാടമെന്ന ശ്ലോകം അക്ഷരമൊന്നു തെറ്റിച്ചു ചൊല്ല്. മരക്കൊമ്പൊടിക്ക്. രാവിലെ ഊരയ്ക്ക് കൊട്ടൻചുക്കാദീം കാർപ്പാസാത്യാദീം കലർത്തി തടവിത്തിരുമ്മ്.

ഹംച്ചീ. ഹൂശ്.
ഇപ്പോ നിനക്കൊരാനന്ദം വരുന്നില്ലേ..
ഒണ്ട്..
അത് തന്നാ പിശാശേ ഐശ്വര്യം. മണ്ടിത്തളള്. നിനക്കു പിറകെ നീ എവിടേം ആക്സിഡൻറാവാതെ മരക്കൊമ്പു പിടി. ഓടെടേ

ഞാനന്തരിച്ചു
വിസ്തരിച്ചായിക്കോട്ടെ, മരക്കൊമ്പേ ചെന്നിട്ടുയിർത്താ പോതും

Read more »

Thursday, March 15, 2018

സെലിബ്രിറ്റി

സർ സർ സർ
മൂന്നെണ്ണമായി പിശാശേ ലേലം ഒറപ്പിച്ചേച്ചു കാര്യം ശൊല്ലി തുല. എന്ന മാറ്റർ?
വനിതാ ദിനത്തിനു വേതാളിണി പഞ്ഞിക്കിട്ടോ?
ഇല്ലൈ.
അപ്പുറം. ക്യാ
സെലിബ്രിറ്റി സൽക്കാരം സഹിക്കാൻ പറ്റാതെ ജീവനും കൊണ്ടോടിയെന്ന്.
നിജം, ഉൺമൈ?
ആമാം സർ കരക്കമ്പി കളളം പറയൂല്ല
ഹഹഹ
എതുക്കാകെ ശിരിപ്പത്
വേതാളക്കുഷ്മാണ്ടമേ അതൊരു മനോഭാവ പ്രശ്നമാണ്. ദൊരയ്ക്ക് ദേശീയ ബിംബമാണ് എൽട്ടൺ ജോൺ. പക്ഷെ റഫറെന്നു പറയുന്ന തെരുവിൽ കിടന്നുറങ്ങുന്നവനും മി.ജോണെന്നേ വിളിക്കൂ. പോരാത്തിനു അങ്ങേരുടെ കാലങ്ങേരുടെ സ്വന്തം. ആരുമതേ വീണു ചളവാക്കില്ല. ഇനി നീ സർവേശ്വരൻറെ സ്വന്തം ഗായകൻ മുറിക്കു പുറത്തിറങ്ങിയാലത്തെ അവസ്ഥ ആലോചിക്ക്. തിരിച്ചു മുറിക്കകത്തു കയറുമ്പോ കാലു ബാക്കിയുണ്ടേ ഭാഗ്യം.
ങ്ങേ..അപ്പം
മിക്കവാറും സെലിബ്രിറ്റി സ്വന്തം കാലിൻറെ അവകാശം തൻറെതാണെന്നു പറഞ്ഞു കാണും. റൈറ്റ്സ് റിസർവ്ഡ്.
വൈ സോ സർ വിക്ര്.
ലളിതമാണ് വേതാൾ. ഷോഫറ് ഡ്രൈവ് ചെയ്യുന്ന  ബെയററു വിളമ്പി കൊടുക്കുന്ന  അത്യപൂർവ്വം കുലീനരിൽ കുലീരൊഴിച്ച് സായിപ്പ് സ്വയം ചുമക്കുന്നു, സ്വയം ഭക്ഷണം വിളമ്പിക്കഴിക്കുന്നു. സ്വന്തം മെനു തീരുമാനിക്കുന്നു. എപ്പോൾ കഴിക്കണമെന്നതടക്കം. അതൊരു പ്രൈവസിയെക്കാൾ സ്വാതന്ത്ര്യമാണ് വിഷയം.  ആലപ്പുഴയെങ്ങാനും താമസിക്കുന്ന സെലിബ്രിറ്റിയെക്കൊണ്ട് പാൽപ്പായസം തീറ്റിച്ച് തീറ്റിച്ച് ഷുഗറു കൂടിയാലുളള അവസ്ഥ.
ഹയ്യോ..
തക്കാളിച്ചാറിനെ കറിയെന്നും പച്ചക്കറി വിനാഗിരീലിട്ടതിനെ പിക്കിളെന്നു വിളിക്കുന്ന സായിപ്പിനു കൊഞ്ചും കരിമീൻ പൊളളിച്ചതും വിളമ്പിയാലുളള അവസ്ഥ. സായിപ്പു സഖാവാവും.
അതെന്തുവാ വിക്രംസർ
ടേൺഡ് റെഡെന്നതിൻറെ മലയാള പരിഭാഷ, ആപാദചൂഡം ചുവന്നു. നാലഞ്ചു ദിവസം എരിപൊരി സഞ്ചാരം കൊണ്ടവനങ്ങനെ നടക്കും. പെടുക്കുമ്പോ വരെ മുളകെരിഞ്ഞു ഹൂയ് വെച്ച്.
ഹംച്ചീ
സംഭവം ലളിതമായിരിക്കണം. നാട്ടിലെ മന്ത്രിമാരുടെ കണക്കിനു കൊച്ചുവെളുപ്പാൻ കാലത്തെണീക്കുന്നതു മുതൽ സായുവിനു ചുറ്റും ആൾക്കൂട്ടം. സമാധാനമായിട്ടപ്പിയിടാൻ പറ്റാതെ ചരിത്രവും പെരുമയും തൊട്ടു കൂട്ടാതെ ഭക്ഷണം കഴിക്കാൻ പറ്റാതെ,  നിരന്തരമുളള വാക്കാക്രമണവും സെൽഫി പിടിത്തവുമില്ലാതെ എവിടെയും യാത്ര ചെയ്യാൻ പറ്റാതെ, അതിശയോക്തിയും വാചക പ്രഘോഷണവുമില്ലാതെ ഒരു സ്മോളു പോലുമടിക്കാൻ പറ്റാതെ, ഉറക്കം വരുമ്പോഴൊന്നു കിടക്കാൻ പോലും പറ്റാതെ പെട്ടു കാണും. സായിപ്പോടിയ വഴീ പുല്ലു പോയിട്ടു ആപ്പിളു പോലും മുളയ്ക്കൂല്ല. ഇന്നത്തേക്കിത്രേം അതിശയം പോതും. മനുഷ്യനെ മെനക്കെടുത്താനുണ്ടായ ഡിസൈനർ എഡിഷൻ വേതാളക്കഴുവേറീ. സോമ്പേരി മഹനേ, സ്ഥലം കാലിയാക്ക്.
അപ്പം പുകഴേന്തിയ വാക്കുകൾ
മാനേഴ്സും ഉപചാരവുമാണവരുടെ ശക്തിയും ദൌർബല്യവും. എരിഞ്ഞു കരണം പൊട്ടുമ്പോഴും നൈസ് ബ്ലംബ്ലാസ്റ്റിക്കെന്നേ പറയൂ. ഉപചാരം വാരിവിതറും. അതൊരു സംസാരരീതിയാണ്. സംസ്കാര രീതിയാണ്. ഉപചാരത്തിനപ്പുറം പ്രത്യേകിച്ച് പ്രായോഗിക അർത്ഥമൊന്നുമില്ല. പരിചയമില്ലാത്തവരതു മുഖവിലയ്ക്കെടുത്ത് പുളകം കൊളളും. ദാറ്റ്സ് ഇറ്റ്,
ങ്ങേ
സമയം മിനക്കെടുത്താതെ ഇറങ്ങിപ്പോടാ തെണ്ടീന്നൊളളതിനു പകരം സ്ഥലം കാലിയാക്കെന്നേ പറയത്തൊളള്. ഇപ്പം കത്തിയോ, അതോ ഇച്ചിരി കൂടെ കത്തണോ..
ഇതു ഞാനല്ല, ഞാനന്തരിച്ചു.

Read more »

Tuesday, March 13, 2018

കാട്

തീതീതീ
കൊച്ചുവെളുപ്പാൻ കാലത്ത്  കെടന്നു കീറാതെ വേതാളക്കഴുവേറീ,  ഇച്ചിരി വെളളം കോരിയൊഴി.
ഇവിടല്ല സർ വിക്ര്. മന്നിച്ചിടുങ്ക.
ഇങ്ക കത്താമെ നീ എതുക്ക് കത്തീത്..
ങ്ങേ.
വിവരം  കെട്ടവനേ റൈമിങ്ങെന്നൊരു വാചകഗുണമുണ്ട്. അതു കള. മാറ്റർ ശൊല്ലിത്തൊല.
കാട്ടുതീ സർ, കാട്ടുതീ
വേനൽ താനെ കാടു താനെ സഹജം. അതുക്ക് നീ എതുക്ക് കത്തത്?
ഇല്ല വിക്രം സാർ റൊമ്പ ദാരുണം. പശങ്കൾ തീപ്പെട്ടാച്ച്
സങ്കടം. ഹൌ കംസ്?
കാടു പാർക്കതുക്കാകെ ട്രക്കിങ്ങുക്കാകെ
ഉനക്ക് ഡ്രൈവിങ്ങ് തെരിയുമാ വേതാൾ, അപ്പുറത്തെ മരക്കൊമ്പിലെ വേതാളിണിയെയല്ലാതെ ഹെവി ഡ്യൂട്ടി ഡ്രൈവിങ്ങ്?
ഇല്ലൈ സർ ഇല്ലൈ.
ഡ്രൈവിങ്ങ്  തെരിയാമെ ഡ്രൈവ് പണ്ണീട്ടാൽ
പണ്ണീട്ടാൽ
ഉനക്ക് സ്വയം ഡേഞ്ചർ അൻഡ് യൂ ആർ എ ത്രെട്ട് ടു അദേഴ്സ്.
ങ്ങേ
സോഷ്യൽ ഡിസാസ്റ്ററെന്നാലോൺലൈനിലെഴുതുന്നവൻ മാത്രമല്ലെടേ. വണ്ടിയോടിക്കാനറിയാത്ത നീ ഇടിച്ചു കേറ്റിയാൽ തട്ടിപ്പോയേക്കാവുന്ന ആളുക്കാരെ ഓർത്താൽ മാത്രം മതി നിന്നെ സാമൂഹിക ദുരന്തമായിട്ടു പ്രഖ്യാപിക്കാൻ
സർർർർർ. കാടുക്കും ട്രക്കിനും എന്ന സംബന്ധം.
ഹെവി ഡ്യൂട്ടി മെക്കാനിസ്സത്തേക്കാൾ ഒരുപാടു സങ്കീർണ്ണമാണ് കാട് എന്ന ജൈവ മെക്കാനിസ്സം. ട്രാഫിക് സിഗ്നലു വായിക്കുന്നത്ര പ്രാഥമിക പരിജ്ഞാനമെങ്കിലും വേണം കാടു കാണാൻ.
ങ്ങേ ഹൌ കംസ്
നിനക്കു ചൊറുതണം കണ്ടാലറിയോ
ഇല്ലൈ
മൃഗങ്ങളുടെ ശരീരഭാഷ?
ഇല്ല
ഇണചേരൽ ശീലം?
ഇല്ല
വിഷമുളളതുമില്ലാത്തതുമായ പാമ്പുകളെക്കുറിച്ചുളള പ്രാഥമിക ജ്ഞാനം?
ഇല്ലൈ
സമയം പാഴാക്കാനക്കൊണ്ടെറങ്ങിയ മരക്കൊമ്പിലരി വറത്തവനേ, ഇതേലൊരായിരം ടെക്നിക്കൽ നോഹൌവില്ലാതെ കാടിറങ്ങാനൊക്കില്ല. ഒരു ശരാശരി ആദിവാസി മോപ്പഡ് തളളാൻ പോലുമറിയാത്ത നിന്നെക്കാൾ ലക്ഷക്കണക്കിനു മടങ്ങ് അറിവിൻറെ ഉടമയാണ്. അതില്ലാതെ വനജീവിതം പറ്റാത്തതു കൊണ്ട്
അപ്പം
അപ്പം തിന്നാൻ പാചകമറിയണോന്ന നാഗരിക യുക്തി കാട്ടിലു ചിലവാവില്ല വേതാൾ. ഡ്രൈവിങ്ങിൻറെ കാര്യം പറഞ്ഞതു പോലാണ്
ഹേത്?
നീ കാടു കയറുന്നത് നിനക്കും നാട്ടുകാർക്കും ആത്മഹത്യാപരമാണ്. വിരുന്നു പോവാൻ കാട് അമ്മായീടെ വീടല്ല.
ഹയ്യോ പോതും, ഇന്നത്തേക്കിതു പോതും
നീ പോയി നിനക്കറിയാവുന്ന ഒരേയൊരു ഹെവിഡ്യൂട്ടി മെക്കാനിസ്സം പാര്.മരക്കൊമ്പൊടിക്ക്.
എന്നാ ഞാനിവിടില്ലെന്നു ബോർഡ് വെക്കട്ടെ
നിൽ പോവുമ്പോ നിനക്കു മൂളാനൊരു പാട്ടു പറഞ്ഞുതരാം
ഹേത് പാട്ട്
മന്മഥരാശാ മന്മഥ രാശാ, വേണേ കളളച്ചിരീടെ ഒരു സ്മൈലീമിട്ടോ
പോവതു മുന്നാടി ഒരു സന്ദേഹം
ശൊല്ലിത്തുല
ഇന്നേക്ക് തെറിവിളിച്ചപ്പോത് നിറയെ തെലുങ്ക്. ക്യോം?
നീ രാജമുന്ദ്രീ രാജമുന്ദ്രീന്നു കേൾവി പെട്ടിരുക്കാ
അന്തരിച്ച നടി സൌന്ദര്യയുടെ ദേശം?
ആമാം. പരമ്പരാഗതമായി സുന്ദരികളെ വിളവെടുക്കുന്ന ദേശം.
അതുക്ക്.
കൊച്ചുപിളേളർക്കിത്രേം മതി. കളളച്ചിരീടെ കൂടെ കണ്ണിറുക്കി കാണിക്കുന്ന ഒരു സ്മൈലീം കൂടിട്ടേച്ച് മണ്ടിത്തളള്.

Read more »

Sunday, November 12, 2017

പുക

സര്‍.. സര്‍
 കൊച്ചുവെളുപ്പാന്കാലത്ത് കട്ടനടിക്കുമ്പോ  ഒച്ച വെക്കുന്ന കീടം കോന്‍
ഉങ്ക വേതാള്‍..
ഹു?
വേതാള്‍  വിക്രം സര്‍ വേതാള്‍.
നിന്നെ ഈ ഏരിയേ കണ്ടു പോയേക്കരുതെന്നോടിച്ചതല്ലാരുന്നോ
ആന്നേ, ആനാല്‍ ഒരു ഹെല്‍പ്പ്.
ക്യാ ഹെല്‍പ്പ്?
ഒരു ബന്ധൂന് ഡെല്‍ഹിക്കു മാറ്റം വേണം..
മരത്തേ  മദാസലയും മന്മദലീലേം  മത്തായി  നടക്കുന്ന നിനക്കും ബന്ധുസ്നേഹം?
അതല്ല  സര്‍ വിക്ര്, ഒരുപാടു ദ്രോഹിച്ചതാ ഇപ്പഴേ ഒരു പണി കൊടുക്കാനൊക്കൂ. ലവനവടെ സ്നോഗിലു  ശ്വാസം മുട്ടി ചുമച്ച് ചുമച്ച്  ഒരു വഴിക്കാവുന്നത്  എന്റെ മരക്കൊമ്പേലിരുന്നീ ഞാന്‍ കാണും.
ഹഹ. കീടവേതാള്‍  നീയാളു കൊളളാല്ലോ.  ബട്ട്  അഹങ്കാരം താത്തി വെച്ച്.
വൈ വിക്രം സര്‍ വൈ?
ഡാ ഡെല്‍ഹീലെ പുക ഒരു  വ്യവസ്ഥിതിയാണ്.അതു നിന്റെ മരക്കൊമ്പേലെത്താന്‍ അധിക കാലമൊന്നും വേണ്ട. നീ ചുമയ്ക്കാനും.
പ്യാടിപ്പിക്കാതെ സര്‍, ഹൗ കംസ്?
പുക  ചെക്കു ചെയ്യാനെന്നും പറഞ്ഞ്  നൂറു രൂപ കൊടുക്കുന്നിടത്തെന്തോന്ന് സംഭവിക്കും?
ഒരു കടലാസു തരും.
അതിനും പുകയ്ക്കും തമ്മില്‍?
ആര്ക്കറിയാം വിക്രം സാര്‍. കിസ്കോ മാലൂം.
പെട്രോള്‍ ബങ്ക് അലോട്ടു ചെയ്തു കിട്ടുന്നതാര്‍ക്കൊക്കെയാരിക്കുമെന്നറിയാവോ? ഒരു പെട്രോള്‍ബങ്ക്  കൈപൊളളാതെ നടത്തിക്കൊണ്ടു പോവാന്‍  ജനം ചെയ്യുന്ന തരികിടകളും?
പത്രം വായിക്കാത്തവരെ കളിയാക്കിയാ  ബാലസാപം  കിട്ടും സര്‍. ബാലസാപം.
എന്നാ ഇതു മതി. ഇന്നത്തേക്കിതു പോതും. ഇപ്പം നീ കേട്ട രണ്ടും അന്തരീഷ മലിനീകരണത്തിന്റെ  സാമ്പിളു വെടിക്കെട്ടാണ്. വ്യവസ്ഥിതി  വലിയ വെടിക്കെട്ടാണ് വേതാള്‍. പുകയും മാലിന്യവും ഉയരുന്ന എല്ലായിടത്തും ചെറുതും വലുതുമായ നോട്ടുകളു വ്യവസ്ഥിതിയാവും. ഫലം  നിരന്തരം പുകയുയരുന്ന  ഉത്സവപ്പറമ്പ്.
അതുക്കും  മരക്കൊമ്പുക്കും എന്നാ സംബന്ധം സര്‍?
വ്യവസ്ഥിതിക്കു  സ്ഥലകാലഭേദമൊന്നുമില്ലെടേ. ഡെല്‍ഹീ പൊകഞ്ഞ അതേ വ്യവസ്ഥിതി ഏറിയും കുറഞ്ഞും  അല്ലെങ്കില്‍ കൂടുതലും  നെന്റെ  മരക്കൊമ്പേലൊണ്ട്.
ങ്ങേ?
പൃഷ്ടത്തിനടിയില്‍ ഇരുകാലികളോ നാല്‍ക്കാലികളോ ആയ വണ്ടിയില്ലാത്ത ജനം ഒന്നിനെ മഷിയിട്ടു നോക്ക്
ഇല്ല.
പോപ്പിനെ  തിരഞ്ഞെടുത്തു കഴിയുമ്പോ പൊങ്ങുന്ന പോലല്ലെടേ  വീട്ടിലെ  പ്ലാസ്റ്റിക്കു പോലും കത്തുന്ന പുകയുയരുന്നത്?
ആന്നേ
ഡെല്‍ഹീലെ പുക ഒരു ദൃഷ്ടാന്തമാണ്  ചിന്നവേതാള്‍. വലിയ ഒരു സ്നോഗ് പടലത്തിന്റെ  വലിയ താമസമില്ലാതെ നിന്റെ മരക്കൊമ്പും പുകയും ഗോണബീ  സ്മോക്ഡ് വേതാള്‍
ഹയ്യോ
ഇന്നേക്കു  പേടി സ്വപ്നം കാണാനുളളതായില്ലേ. എന്നാ  ചല്‍, സ്ഥലം കാലിയാക്ക്.
നാളെ വരണ്ടേ.
വേണ്ട നിനക്കു പകരം മുഖക്കുരൂ കൂമ്പി നിക്കുന്ന  കണ്ണാടിയൊളള ഒരു വേതാളിണിയെ അപ്പോയിന്റ് ചെയ്ത്. നെഞ്ചത്തടീടെ ശബ്ദം പിന്നെ  റെക്കോര്‍ഡ് ചെയ്ത് കേള്‍പ്പിച്ചാ മതി. ഇപ്പം ചല്‍. ഓടടേ

Read more »

Thursday, October 5, 2017

ജാഥ

ഹിഹിഹി
ക്യാ സമാചാര്‍, നിന്‍റെ ചിരി ഞരമ്പ്  പിണഞ്ഞോ വേതാള്‍ കുശ്മാണ്ട്?
ഹല്ലല്ലല്ല, മുദ്രാവാക്യം മാറിപ്പോയി വിക്രം സര്‍ മുദ്രാവാക്യം മാറിപ്പോയി
കബ് കൈസേ കിദര് വേതാള്‍?
പത്രോം  വായിക്കാതെ  ടിവീം കാണാതെ   ധ്യാനിച്ചോണ്ടിരുന്നാലിതൊന്നും തെളിയൂല്ല വിക്രം സാര്‍.
ഡാ. യൂ  നോ സംതിങ്ങ്?
ശൊല്ലുങ്ക വിക്രം സര്‍, ശൊല്ലുങ്ക?
തൊണ്ണൂറു തുടങ്ങുന്നതിനു മുന്‍പ്  യൂണിവേഴ്സിറ്റീ  മുദ്രാവാക്യം വിളിക്കാന്‍ പോയാല്‍  ബിരിയാണീം   സ്മോളും പിന്നെ  നൂറു രൂപേമുണ്ടാരുന്നു.  ഈര്‍ക്കില്‍ പാര്‍ട്ടികള്‍ക്കൊരു  ജാഥ നടത്തണേ മിനക്കേടെന്തുവാന്നാ നിന്‍റെ വിചാരം.
ഹംച്ചീ..
കുറച്ചും കൂടെ  കഴിഞ്ഞപ്പോ തുക മാറി കുപ്പീടെ വലുപ്പം കൂടി  സൌകര്യം കൂടി.  പിന്നെ മുദ്രാവാക്യോം സമരോമെല്ലാം  എക്സ്ട്രാ ആര്‍ട്ടിസ്റ്റുകള്‍ക്ക് ഔട്ട് സോഴ്സ് ചെയ്തു.  സിനിമയാണേലും സമരമാണേലും ജീവിതമാണേലുമെല്ലാം ഒരേ നടിപ്പു താനെടേ ശിന്ന വേതാള്‍.
ഹയ്യോ.. വേതാള്‍  നടിപ്പല്ല, ഒറിജിനലാണ്  സര്‍ വിക്രം.
മുദ്രാവാക്യം വിളിക്കാതെ അടങ്ങി നിന്നാല്‍ നിനക്ക് ബാക്കി കേക്കാം. കേക്കണോ പോണോ?
കേട്ടോളാവേ
ചുമട്ടുതൊഴിലാളികളോ  കെട്ടിട നിര്‍മ്മാണത്തൊഴിലാളികളോ  ജാഥ നടത്തിയ ാ  ഏതു ഭാഷേ മുദ്രാവാക്യം വിളിക്കണം?
ഹിന്ദീല്, ബംഗാളീല്, ബീഹാറീല്,
ക്യോം?  ഡാ  ബഹുഭാഷ പിശാശേ. പുതിയ വര്‍ക്കിങ്ങ് ക്ലാസ്സു വന്നപ്പോള്‍  പഴയ നാടന്‍ തൊഴിലാളികളു  കങ്കാണികളായി.  നോക്കു കൂലിക്കാരും ഇവന്‍റ് ഓര്‍ഗനൈസേഴ്സുമായി. ജാഥ വിളിക്കാന്‍ മാത്രമല്ല നെഞ്ചത്തടിം നിലവീളീം മുതല്‍ കൈയ്യും കാലും തല്ലിയൊടിക്കലും അവിഹിതോം പ്രണയോം വരെ ക്വട്ടേഷനായി.  സ്പെഷ്യലൈസ്ഡ് ആയി.
ഹെന്നു വെച്ചാ..
ഡാ  കങ്കാണി ജനത്തിനു പാര്‍ട്ടിഭേദമില്ലാതെ  മറ്റു പലവിധ തിരക്കുകളുളളതിനാല്‍  മുദ്രാവാക്യം  വിളിക്കാനും  ജാഥയ്ക്കു പോകാനുമൊന്നും സമയമില്ലെടേ. കഷ്ടിച്ച് സ്റ്റേജിനടുത്തെത്തുമ്പോള്‍ ഇടിച്ചു കയറാനല്ലാതെ.
യ്യോ
ഡാ നിന്‍റെ മരക്കൊമ്പിനു തടമെടുക്കണേ നീയെന്നാ ചെയ്യും? കിളയ്ക്കുവോ അതോ  രാവിലെ ചന്തവട്ടത്തിനിരിക്കുന്ന അന്യസംസ്ഥാന  വര്‍ക്ക്ഫോഴ്സിനെ വിളിക്കുവോ?
വര്‍ക്ക് ഫോഴ്സിനെ വിളിക്കും.
അത്രേയൊളള്  ജാഥയ്ക്കും മുദ്രാവാക്യത്തിനും.  ഡാ ഉദാരവത്കരണനാനന്തരം  ഒരുപാടു തൊഴില്‍തുറകളു പൊട്ടിമുളച്ച്.  ഒന്നുമില്ലേല്‍  മുദ്രാവാക്യം വിളിക്കുന്നവന് ഡീസന്‍റായി കൂലികിട്ടുന്നെന്നോര്‍ത്ത് സന്തോഷിച്ചാട്ടെ  ആനന്ദിച്ചാട്ടെ, എന്നിട്ടു നീ നേരത്തെ ചിരിച്ച ആ വൃത്തികെട്ട  ചിരീമെടുത്തോണ്ട് മരക്കൊമ്പ് ചല്‍.  സംഭവശുഷ്കമായ ഒരു ദിവസം മുന്നില്‍ നീണ്ടും നിവര്‍ന്നും  ഈഗിള്‍ സ്പ്രഡു ചെയ്തും കിടക്കുന്നു. ഓട ് പിശാശേ

Read more »

Wednesday, October 4, 2017

വാക്സിന്‍

സര്‍, സര്‍, സര്‍.. കൊഞ്ചം ഗൌനിച്ചിടുങ്കോ
എവനെടേ പീക്കോ അയ്യരുടെ ക്യൂബ വായിച്ചോണ്ടിരിക്കുമ്പോ  ചൊറിയുന്നത്?
സന്ദേഹം സര്‍, സന്ദേഹം.
എതുക്ക് സന്ദേഹം?
വാക്സിന്‍ തേവയാ ഇല്ലയാ?
ഡായ്, മോഡേണ്‍ മെഡിസിന്‍ വ്യാപകമാവുന്നതിനു മുന്‍പ് ജനം പ്രായമെത്താതെ താവടിയാവുന്നതിന്‍റെ  ഹേതു ക്യാ ക്യാ?
ശൊല്ലുങ്ക സര്‍
ഒന്ന് പട്ടിണി, അകത്തേക്കു വല്ലോം ചെന്നില്ലേല്‍ ദേഹോം ദേഹീം തമ്മിലുളള ചുറ്റിക്കളി തീരും.  തിന്നാനുളള വക കുറച്ചു പേര്‍ക്കു മാത്രമുളള കാലത്ത് പട്ടിണി വ്യാപകമാരുന്നു. യാത്രാ സൌകര്യമില്ലാത്ത  കാലത്ത് ക്ഷാമവും.  ഒരു പ്രകൃതിക്ഷോഭം  പോലും പട്ടിണി മരണത്തിനു കാരണമാരുന്നു. ടെക്നോളജി വികസിച്ചപ്പോ അതങ്ങു പോയി.
ഹയ്യോ..
രണ്ടാമത് ഹേതു ക്യാ?
രോഗം..
ഹും  മഹാമാരികളും പകര്‍ച്ചവ്യാധികളും മുതല്‍ പകരാത്തവ വരെ.  ഒരു പത്തു നാല്പത് വയസ്സു പ്രായമുളളവരുടെയൊക്കെ സഹപാഠികളും പരിചയക്കാരുമൊക്കെയായി പോളിയോ ബാധിച്ചവരു കാണും.  അന്നത്തെ കാലത്ത് പോളിയോ വാക്സിനില്ലാഞ്ഞിട്ടല്ല. കുട്ടിക്കതെടുക്കാനുളള  സാഹചര്യമില്ലാഞ്ഞിട്ടോ അജ്ഞത കാരണമോ..
ഹയ്യയ്യോ
അച്ഛന്‍റെയും  അമ്മയുടേം അജ്ഞതയുടെ വിലയാണ്  ഒരു കാല കുട്ടികളുടെ  ഊന്നു വടിയിലിഴഞ്ഞ  ശിഷ്ടജീവിതം. നഷ്ടപ്പെട്ട കളിക്കളങ്ങള്‍. കളികള്‍, കൂട്ടുകാര്‍, നിന്ദ, പരിഹാസം, പരിമിതി.
അപ്പം?
വാക്സിനെടുക്കാതിരിക്കുന്നത്  നിലവില്‍  തെളിവുകളും  പഠനങ്ങളുമെല്ലാം കഴിഞ്ഞ സ്ഥാപിതയുക്തികളിലും അറിവിലും കുട്ടികളോട് ചെയ്യുന്ന ക്രിമിനല്‍ കുറ്റമാണ്. പെറ്റിക്കേസ് പോലുമല്ല.  സ്വന്തമായി തീരുമാനമെടുക്കാനും സ്വന്തം കാര്യങ്ങളു ചെയ്യാനും അറിയാത്തവരുടെ  സ്നേഹത്തിന്‍റെ വിശ്വാസത്തിന്റെ  കുട്ടികള്‍ക്കു വേണ്ടി എല്ലാം ചെയ്യുമെന്ന  ഉറപ്പിന്‍റെ  ദുരുപയോഗം. കുഞ്ഞു പൈതങ്ങളോടുളള വിശ്വാസവഞ്ചന.
അപ്പോ വാക്സിന്‍ വിരുദ്ധം?
ഡാ വാക്സിനു തെളിവു വേണം , പഠനം വേണം, ക്ലിനിക്കല്‍ ട്രയല്‍ വേണം. നിയമവാഴ്ച വേണം. പലവിധ ഫോബിയകള്‍ക്ക് അതൊന്നും വേണ്ട.  തെളിവുകളും  അടിസ്ഥാനങ്ങളുമില്ലാത്തതാണ് ഭയങ്ങളും കുപ്രചരണങ്ങളും
ഹമ്മേ..
ഡാ സൌകര്യങ്ങളൊന്നുമില്ലാത്ത കാലത്ത് ഒറ്റയ്ക്ക് പ്രസവമെടുക്കുന്നത്  വേറെ ഗതിയില്ലാഞ്ഞിട്ടാണ്.  സകല സൌകര്യവുമുളള കാലത്ത്  അതു ചെയ്യുന്നത്  പങ്കാളിയെ അപായപ്പെടുത്താനുളള ശ്രമമാണ്.  എണ്ണിയാലൊടുങ്ങാത്ത  കോംപ്ലിക്കേഷനുകളിലേക്ക് എക്സ്പോസ്സ് ചെയ്യുകയാണ്.
ഹയ്യോ
ലഭ്യമായ ഫാക്ടും ഫിഗറുകളും വെച്ച് നടപ്പില്‍ ഇതാണ്  ശാസ്ത്രീയം.  നാളെ മാറുവാരിക്കും.  കുട്ടികളുടെ കാര്യത്തില്‍ പ്രത്യേകിച്ചും  കുഞ്ഞുങ്ങളുടെ കാര്യത്തില്‍ ഒന്നും സാധ്യതയ്ക്ക് വിടരുത്. ഊഹാപോഹത്തിനും
അപ്പം ഈ പ്രചരണം?
തന്‍കുഞ്ഞു പൊന്‍കുഞ്ഞെല്ലാം കൃത്യസമയത്തു തന്നെ വാക്സിനെടുത്തു മുതിര്‍ന്നുകാണും,  പേരക്കുട്ടികള്‍ക്ക് വാക്സിന്‍ വേണ്ടെന്നു പറഞ്ഞാല്‍  മരുമക്കളു കിറിക്കു കുത്തും. ഓരോ വാര്‍ദ്ധക്യകാല വിനോദങ്ങള്‍.  ഭയത്തിന്‍റെ ലീലാവിലാസങ്ങള്‍. ആരാന്‍റമ്മയ്ക്ക് ഭ്രാന്തുപിടിക്കുന്നതു കാണുമ്പോഴുളള ദര്‍ശനസുഖവൈകൃതം. ഡാ നീ  ആ ബോര്ഡു കണ്ടോ..
കണ്ട്
വായിക്ക്
എന്റെ പുറം എന്റെ  ജന്മാവകാശം. ഞാന്‍ തന്നെ ചൊറിഞ്ഞോളാം
അര്‍ത്ഥം പറ
സ്ഥലം കാലിയാക്ക് വേതാളമേന്നല്ലേ, ഞാനസ്തമിച്ച്.

Read more »

Tuesday, October 3, 2017

പുരോഗമനം

സര്‍
ഹും, നിന്‍റെ നിലവിളി ശബ്ദം കേട്ടില്ലല്ലോന്ന് ചിന്തിച്ചതേയൊളള്..
പത്രികൈ പാര്‍ത്താച്ചാ?
എതുക്ക് കണ്ണാ എതുക്ക്?
സൌദീല്  പെണ്ണുങ്ങള്‍ക്ക് വണ്ടിയോടിക്കാം പോലും..
ഡാ വീട്ടീന്നു പുറത്തിറങ്ങാന്‍ ആണിന്‍റെ സമ്മതോം അകമ്പടീം വേണ്ടടത്ത് വണ്ടിയോടിച്ചിട്ടു ക്യാ സമാചാര്‍?  അതിലെന്തോന്ന് പുരോഗമനം? കുറ്റവും ശിക്ഷയും തമ്മിലുളള കിടുതാപ്പറിയോ?
എന്നാലും ..
ഡാ ആ ദേശത്തു തന്നെ വേറൊരു സ്ഥലമുണ്ട്. അരാംകോയുടെ കോമ്പൌണ്ട്. അത്  പടിഞ്ഞാറന്‍ ദേശമാണ്.
ങ്ങേ?
മദ്യപാനവും വസ്ത്രവുമടക്കമെല്ലാം  വെസ്റ്റേണ്‍?
അപ്പം നിയമം?
പണി നടക്കണേ  സായിപ്പന്‍മാരു വേണം, പണം വരണേലും.
ങ്ങും
പണത്തിനു  മേലെ പരന്തും പറക്കൂല്ല.  അതിപ്പം എണ്ണപ്പണമാണേലും
അതോണ്ട്,,
 ലിറ്റില്‍ അമേരിക്ക വരും. അവിടെ  സായിപ്പന്മാരവരുടെ രീതിക്കു ജീവിക്കും.
അപ്പം ഡ്രൈവിങ്ങ്..
Depression triggered depression  എന്നു കേട്ടിട്ടൊണ്ടോ?
ഇല്ല.
സാധ്യതയില്ലെടേ കുട്ടിപിശാശേ. ഇപ്പം ഫ്രഷായിട്ടു ചുട്ടെടുത്തതാണ്.
എന്തുവാ വിക്രം സാര്‍ അത്?
സാമ്പത്തികമാന്ദ്യം കാരണം കടുവിഷാദയോഗത്തില്‍  സാമ്പത്തികശില്പമുണ്ടാക്കുന്ന സ്ഥലമാണ്.
മാന്ദ്യത്തിനും ഡ്രൈവിങ്ങിനും തമ്മിലെന്ത്?
പെണ്ണുങ്ങളു വണ്ടിയോടിക്കുമ്പോ എന്തോ സംഭവിക്കും
സാധാരണ പോലെ വണ്ടിയുരുളും. ഓടും
ക്ഷമ ആട്ടിന്‍ സൂപ്പിന്‍റെ ഫലം ചെയ്യുന്ന പോലാ, അസ്ഥാനത്തുളള കോമഡി അടിയുടെ ഫലം ചെയ്യും.
മന്നിച്ചിടുങ്കോ സര്‍..
ഡാ പെണ്ണുങ്ങളു വണ്ടിയോടിക്കുമ്പോ  കുടുംബം പ്രതി സ്ത്രീജനം പ്രതി  അപ്പോയിന്‍റു ചെയ്തേക്കുന്ന ഡ്രൈവന്‍മാരുടെ എണ്ണം കുറയും.  ഒന്നു മുതല്‍ നാലു സ്റ്റാഫിന‍്റെ  ശമ്പളം കുറഞ്ഞാല്‍ കമ്പനിക്കു ലാഭമെത്രെ?
ഹംച്ചീ
ഇന്ത്യന്‍ ഫിലിപ്പീന്‍ ശ്രീലങ്കന്‍  ജനം കൈയ്യിക്കിട്ടുന്ന കാശടുത്ത ദിവസം  കുഴലിലിടുവോ  വെസ്റ്റേണ്‍ യൂണിയനയക്കുവോ ചെയ്യുമ്പോള്‍ പുറത്തേക്കു പോകുന്ന സമ്പത്തെത്ര? അതു തടഞ്ഞാലുളള ലാഭമെത്രെ?
ഹയ്യയ്യോ ഹയ്യോ..
കൂവാതെടാ പിശാശേ..
ഇതിന്‍റെ ഫലം?
എണ്ണ രാജ്യങ്ങളു മുണ്ടു മുറുക്കിയുടുത്തു തുടങ്ങി..
അതുക്ക്
ജാഗ്രതൈ, ഗള്ഫ് പെറും  എന്‍ആറ്‍ഐ കുത്തും  നാട്ടുകാരു വെക്കും പിളേളരു തിന്നും  പഴങ്കഥയാകപോവത്
എന്നു വെച്ചാ
കളളവേതാളമേ നിന്നെ പോലെ  തലേംകുത്തിക്കിടക്കുന്ന ഇത്തിക്കണ്ണി സമ്പദ് വൃവസ്ഥയെ  നോക്കി കണ്ണുരുട്ടുന്നതാണ്  പുരോഗമനം
ഹയ്യോ
സാമ്പത്തികം കൊണ്ടും പുരോഗമനം വരും. അല്ലേലതുകൊണ്ടേ വരൂ. ഇന്നേക്കിത്രേം പോതും. മണ്ടിത്തള്‍


Read more »